ന്യൂഡൽഹി: ഇന്ത്യയിൽ രൂപകൽപ്പന ചെയ്ത് നിർമ്മിച്ചതും കൂടുതൽ കാലം ഈടുനിൽക്കുന്നതുമായ ടാബ്‌ലെറ്റ് സോഷ്യൽ മീഡിയ പ്ലാറ്റ്‌ഫോമായ എക്‌സിൽ പങ്കുവച്ച് കേന്ദ്രമന്ത്രി അശ്വിനി വൈഷ്ണവ്. ടാബ്‌ലെറ്റ് നേരിട്ട് പരിശോധിക്കുന്ന വീഡിയോ എക്‌സിൽ പങ്കിട്ട അശ്വിനി വൈഷ്ണവ് ടാബ്‌ലെറ്റ് തറയിൽ വീണാൽ പൊട്ടുന്നതെല്ലെന്ന് വ്യക്തമാക്കി.
വിവിഡിഎൻ ടെക്നോളജീസിന്റെ നിർമ്മാണ യൂണിറ്റിൽ നിന്നുള്ള വീഡിയോയിൽ കേന്ദ്രമന്ത്രി ടാബ്‌ലെറ്റ് നിലത്തേക്ക് എറിഞ്ഞും, ഉയരത്തിൽ നിന്ന് താഴെയിട്ടും അതിനു മുകളിൽ കയറിനിന്നുമെല്ലാം ഇലക്ട്രോണിക് ഉപകരണത്തിന്റെ ശക്തി പരിശോധിച്ച് ഉറപ്പുവരുത്തി.
नहीं टूटेगा!
Designed in India, Made in India. pic.twitter.com/Ez6BpVasvJ
— Ashwini Vaishnaw (@AshwiniVaishnaw) April 18, 2025
സമ്പൂർണ്ണ ഇലക്ട്രോണിക്സ് ഉൽപ്പന്ന വികസനത്തിൽ വൈദഗ്‌ദ്ധ്യം നേടിയ തദ്ദേശീയ കമ്പനിയാണ് വിവിഡിഎൻ ടെക്നോളജീസ്. ആഗോള ഹാർഡ്‌വെയർ നിർമ്മാണ കേന്ദ്രമായി മാറാനുള്ള ഇന്ത്യയുടെ അഭിലാഷത്തിൽ ഒരു പ്രധാന പങ്കുവഹിക്കുകയാണ് കമ്പനിയുടെ ലക്ഷ്യം.’മെയ്‌ക്ക് ഇൻ ഇന്ത്യ’ സംരംഭത്തിന് കീഴിൽ തദ്ദേശീയവും ഉയർന്ന നിലവാരമുള്ളതുമായ ഇലക്ട്രോണിക് ഉപകരണങ്ങളുടെ ഉത്‌പാദനത്തിന് കേന്ദ്രസർക്കാർ പ്രോത്സാഹനം നൽകുന്നുണ്ട്.
ആഭ്യന്തര ഉൽപ്പാദനത്തിൽ നിക്ഷേപം നടത്തുന്ന കമ്പനികൾക്ക് സാമ്പത്തിക സഹായം വാഗ്ദാനം ചെയ്യുന്നതിലൂടെ, പ്രൊഡക്ഷൻ-ലിങ്ക്ഡ് ഇൻസെന്റീവ് (പിഎൽഐ) പദ്ധതി ഈ മുന്നേറ്റത്തിൽ ഒരു പ്രധാന പങ്ക് വഹിച്ചിട്ടുണ്ട്. ഈ വർഷം ജനുവരിയിൽ, ഐടി ഹാർഡ്‌വെയറിനായുള്ള പിഎൽഐ 2.0 പദ്ധതി ഇതിനകം 10,000 കോടി രൂപയുടെ ഉൽപ്പാദനത്തിലേക്ക് നയിച്ചതായും, പദ്ധതി നടപ്പിലാക്കിയതിന് ശേഷമുള്ള 18 മാസത്തിനുള്ളിൽ 3,900 തൊഴിലവസരങ്ങൾ സൃഷ്ടിച്ചതായും സർക്കാർ അറിയിച്ചു.
