പത്തനംതിട്ട: മണ്ണുമാന്തി യന്ത്രം മറിഞ്ഞ് അന്യസംസ്ഥാന തൊഴിലാളി മരിച്ചു. പശ്ചിമബംഗാൾ സ്വദേശി സൂരജ് ആണ് മരിച്ചത്. അപകടത്തിൽ മറ്റൊരാൾക്ക് പരിക്കേറ്റു. പത്തനംതിട്ട പൈവഴിയിലാണ് അപകടമുണ്ടായത്.
മണ്ണുമാന്തി യന്ത്രത്തിലെ സഹായിയായിരുന്നു സൂരജ്. മണ്ണുമാന്തി യന്ത്രം മറിഞ്ഞപ്പോൾ സൂരജ് അടിയിൽ പെടുകയായിരുന്നു. പന്തളം പൊലീസും ചെങ്ങന്നൂർ, അടൂർ ഫയർ സ്റ്റേഷനിൽ നിന്നുള്ള യൂണിറ്റും സ്ഥലത്തെത്തി തുടർ നടപടികൾ സ്വീകരിച്ചു, സൂരജിന്റെ മൃതദേഹം പത്തനംതിട്ട ജനറൽ ആശുപത്രിയിലേയ്‌ക്ക് മാറ്റി.
