വയനാട്: കരടികളുടെ ആക്രമണത്തിൽ യുവാവിന് ഗുരുതര പരിക്ക്. ചെതലയം കോമഞ്ചേരി കാട്ടുനായക്ക സ്വദേശിയായ ഗോപിക്ക് നേരെയാണ് കരടിക്കൂട്ടത്തിന്റെ ആക്രമണമുണ്ടായത്. ഇന്ന് ഉച്ചയ്‌ക്ക് ഒരു മണിയോടെയായിരുന്നു സംഭവം. വനവിഭവങ്ങൾ ശേഖരിക്കാൻ പോയപ്പോഴാണ് ആക്രമണം നടന്നത്.
രണ്ട് കരടികളാണ് ആക്രമണം നടത്തിയത്. യുവാവിന്റെ കൈയ്‌ക്കും തോളിനും ഗുരുതരമായി പരിക്കേറ്റിട്ടുണ്ട്. യുവാവിന്റെ കൈ കടിച്ചുപറിച്ച നിലയിലാണ്. കഴുത്തിലും ഗുരുതരമായി പരിക്കേറ്റു. ഡോക്ടർമാർ പരിശോധിച്ചുവരികയാണ്.
