അത്ഭുത ക്രിക്കറ്റർ, വൈഭവ് സൂര്യവംശിയെ അഭിനന്ദിച്ച് നരേന്ദ്ര മോദി

ഇന്ത്യൻ ക്രിക്കറ്റിന്റെ ഭാ​വി വാ​ഗ്ദാനമായ വൈഭവ് സൂര്യവംശിയെ നേരിൽ കണ്ട് അഭിനന്ദിച്ച് പ്രധാനമന്ത്രി നരേന്ദ്ര മോദി. പട്ന വിമാനത്താവളത്തിൽ വച്ചാണ് 14-കാരനും കുടുംബവും പ്രധാനമന്ത്രിയെ നേരിൽ കണ്ടത്. രാജസ്ഥാൻ റോയൽസിനായി ഐപിഎൽ അരങ്ങേറ്റം നടത്തിയ സൂര്യവംശി ടി20 ക്രിക്കറ്റിൽ സെഞ്ച്വറി നേടുന്ന ഏറ്റവും പ്രായം കുറഞ്ഞ താരമായിരുന്നു. വൈഭിനൊപ്പമുള്ള ചിത്രങ്ങൾ സോഷ്യൽ മീഡിയയിൽ പങ്കുവച്ച പ്രധാനമന്ത്രി അദ്ദേഹത്തിന്റെ ക്രിക്കറ്റിലെ കഴിവുകളെ പ്രകീർത്തിക്കുകയും ചെയ്തു.

പട്ന എയർപോർട്ടിൽ ക്രിക്കറ്റിലെ അത്ഭുത താരമായ വൈഭവ് സൂര്യവംശിയെയും അദ്ദേഹത്തിന്റെ കുടുംബത്തെയും കണ്ടു. ക്രിക്കറ്റിലെ അദ്ദേഹത്തിന്റെ കഴിവുകൾ രാജ്യം മുഴുവൻ ആരാധിക്കുകയും ഇഷ്ടപ്പെടുകയും ചെയ്യുന്നു. അദ്ദേഹത്തിന്റെ ഭാവി ഉദ്യമങ്ങൾക്ക് എന്റെ അഭിന്ദനങ്ങൾ—- മോ​ദി കുറിച്ചു.

1.1 കോടി രൂപയ്‌ക്ക് വൈഭവിനെ രാജസ്ഥാൻ സ്വന്തമാക്കുമ്പോൾ അദ്ദേഹത്തിന്റെ പ്രായം 13 വയസായിരുന്നു. ലക്നൗവിനെതിരെയായിരുന്നു അരങ്ങേറ്റം. ഏഴ് മത്സരങ്ങളിൽ നിന്ന് 252 റൺസാണ് യുവതാരം നേടിയത്. 206.55 ആണ് സ്ട്രൈക് റേറ്റ്, 36 ആണ് ശരാശരി.

At Patna airport, met the young cricketing sensation Vaibhav Suryavanshi and his family. His cricketing skills are being admired all over the nation! My best wishes to him for his future endeavours. pic.twitter.com/pvUrbzdyU6

— Narendra Modi (@narendramodi) May 30, 2025