പുരി ജ​ഗന്നാഥ ക്ഷേത്രത്തിലെ ജീവനക്കാരനെ കൊലപ്പെടുത്തി; മൃതദേഹം റോഡ് വക്കിൽ തള്ളി, വീഡിയോ

പുരി ജ​ഗന്നാഥ ക്ഷേത്രത്തിലെ വയോധികനായ ജീവനക്കാരനെ (സേവകൻ) കൊലപ്പെടുത്തി റോഡിൽ തള്ളി. ബുധനാഴ്ചയാണ് സംഭവം.ഇതിന്റെ ചില സിസിടിവി ദൃശ്യങ്ങൾ സോഷ്യൽ മീഡിയയിലൂടെ പുറത്തുവന്നു. 83-കാരനായ ജ​ഗന്നാഥ് ദീക്ഷിതാണ് കാെല്ലപ്പെട്ടത്. ​ഗുഡിയഷാഹിയിൽ റബേനി ചൗരയിലെ റോഡ് സൈഡിലാണ് മൃതദേഹം ചോരയിൽ കുളിച്ച നിലയിൽ കണ്ടെത്തിയത്.

സ്നാൻ ജാത്ര ഉത്സവത്തിനായി ക്ഷേത്ര പരിസരത്തെ സുരക്ഷ വർദ്ധിപ്പിക്കാനിരിക്കെയാണ് സംഭവം. ക്ഷേത്രത്തിലെ പ്രസാദങ്ങൾ ഉണ്ടാക്കുന്ന പാചകക്കാരനായിരുന്നു ജ​ഗന്നാഥ ദീക്ഷിത്. കൊലപാതകം സംശയിക്കുന്ന പൊലീസ് വയോധികന്റെ മൃതദേഹം റോഡിൽ ഉപേക്ഷിക്കുന്ന ഒരാളുടെ സിസിടിവി ദൃശ്യങ്ങളും ശേഖരിച്ചു.ഇയാൾ കസ്റ്റഡിയിലെന്നാണ് സൂചന.

വ്യക്തി വൈരാ​ഗ്യമാണോ അതോ മറ്റെന്തെങ്കിലും കാരണമുണ്ടോ കൊലയ്‌ക്ക് പിന്നിലെന്ന് അന്വേഷിക്കുകയാണെന്ന് എസ് വിനിത് അ​ഗർവാൾ പറഞ്ഞു. വയോധികന്റെ മൃതദേഹം പോസ്റ്റുമോർട്ടത്തിന് അയച്ചു. റിപ്പോർട്ട് ലഭിച്ചതിന് ശേഷമേ കൂടുതൽ വിവരങ്ങൾ ലഭ്യമാകൂ.

Senior servitor Jagannath Dixit was allegedly murdered near Rabeni Chhak in Goudiasahi. Purported CCTV footage captured the body being dumped outside. The victim had a deep head injury, and old enmity is suspected to be the motive #Odisha pic.twitter.com/bLkdmt3zFc

— OTV (@otvnews) June 11, 2025