തിരുവനന്തപുരം: ലഹരി വിരുദ്ധ ദിനത്തിൽ പിണറായി സർക്കാരിനെ രൂക്ഷമായി വിമർശിച്ചുകൊണ്ട് തിരുവനന്തപുരം നഗരത്തിൽ ഉടനീളം പോസ്റ്ററുകൾ പ്രത്യക്ഷപ്പെട്ടു. “എന്നിട്ട് എല്ലാം ശരിയായോ? ” എന്ന ചോദ്യമുയർത്തിക്കൊണ്ടുള്ള പോസ്റ്ററുകളാണ് നഗരത്തിന്റെ പലയിടത്തും കാണാൻ കഴിഞ്ഞത്.
“വീട് നന്നാക്കി, നാട് ലഹരിയിൽ മുക്കി”, “സംസ്ഥാനം തകർത്തു”, “സ്വന്തം വീട് ഭംഗിയാക്കി” തുടങ്ങിയ വാചകങ്ങളാണ് പോസ്റ്ററുകളിലുള്ളത്. ലോക ലഹരി വിരുദ്ധ ദിനത്തിന്റെ ഭാഗമായി സർക്കാർ വിവിധ പരിപാടികൾ നിശ്ചയിച്ചിരിക്കിരുന്ന ദിവസം തന്നെയാണ് രാഷ്‌ട്രിയ ചോദ്യങ്ങളുയർത്തുന്ന പോസ്റ്ററകൾ പ്രത്യക്ഷപ്പെട്ടത്. ചില പോസ്റ്ററുകളിൽ മുഖ്യമന്ത്രി പിണറായി വിജയന്റെ ചിത്രങ്ങളുമുണ്ട്. ഈ പോസ്റ്ററുകളുടെ ഉത്തരവാദിത്വം ആരും ഏറ്റെടുത്തിട്ടില്ല.
