പഹൽഗാം ഭീകരാക്രമണത്തിന് സർക്കാരും സൈനികരും തക്കതായ മറുപടി നൽകിയെന്ന് നടൻ മോഹൻലാൽ. ഓപ്പറേഷൻ സിന്ദൂർ എന്ന അതീവ കൃത്യതയാർന്ന സൈനിക നടപടിയിലൂടെ ശുത്രുരാജ്യത്തിനെതിരെ തിരിച്ചടിച്ചെന്നും മോഹൻലാൽ പറഞ്ഞു. വിശ്വശാന്തി ഫൗണ്ടേഷന്റെ നേതൃത്വത്തിൽ നടന്ന പ്രത്യേക പരിപാടിയിലാണ് താരത്തിന്റെ പ്രതികരണം. ഭാരത് മാതാ കീ ജയ് വിളിച്ചാണ് മോഹൻലാൽ പ്രസംഗം അവസാനിപ്പിച്ചത്.
“നമ്മുടെ രാഷ്‌ട്രമായ ഭാരതം ശത്രുരാജ്യത്തിന്റെ ആസൂത്രണത്തിൽ നടന്ന ഈ ഹീനകൃത്യത്തെ ഓപ്പറേഷൻ സിന്ദൂർ എന്ന അതീവ കൃത്യതയാർന്ന സൈനിക നടപടിയിലൂടെ തിരിച്ചടിച്ചുകൊണ്ട് ഭീകരതയ്‌ക്ക് തക്കതായ മറുപടി നൽകി. രാഷ്‌ട്രത്തിന്റെ സൈന്യവും പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള സർക്കാരും ഉചിതമായ പ്രതികരണമാണ് നൽകിയത്”.
പൗരബോധമുള്ള ഒരു പൗരൻ എന്ന നിലയിൽ എനിക്ക് എന്ത് ചെയ്യാൻ കഴിയും എന്ന ചിന്തയിൽ നിന്നാണ് ഡോക്ടർ. ആർ രാമാനന്ദ് ബുള്ളറ്റുകൾക്കെതിരെ ബുള്ളറ്റുകൾ എന്ന ആശയം ഫേസ്ബുക്കിലൂടെ പോസ്റ്റ് ചെയ്ത് അവതരിപ്പിച്ചു. ഈ രാഷ്‌ട്രത്തിന്റെ അഭിമാനം ഉയർത്തിപ്പിടിച്ച് സഞ്ചരിച്ച ധീരന്മാരും ധീരകളുമായ എന്റെ സഹോദരങ്ങൾക്ക് എന്റെയും വിശ്വശാന്തി ഫൗണ്ടേഷന്റെയും സല്യൂട്ട് – മോഹൻലാൽ പറഞ്ഞു.
