എറണാകുളം : സിപിഐ മുൻ സംസ്ഥാന സെക്രട്ടറി കാനം രാജേന്ദ്രന്റെ ഭാര്യയ്ക്കും മകനും വാഹനാപകടത്തിൽ പരിക്കേറ്റു. മിനിലോറിയും ഇന്നോവ കാറും നേർക്ക് നേർ കൂട്ടി ഇടിച്ചായിരുന്നു അപകടം. തലയോലപ്പറമ്പ് വടകര തോട്ടം ജംഗ്ഷന് സമീപം വൈകിട്ട് 4.30 ഓടെയായിരുന്നു അപകടം . ഇടിയുടെ ആഘാതത്തിൽ ഇന്നോവയുടെ മുൻവശം തകർന്നു.
തലയ്‌ക്ക് പരിക്കേറ്റ വനജ രാജേന്ദ്രൻ (65), മകൻ സന്ദീപ് രാജേന്ദ്രൻ (42) എന്നിവരെ എറണാകുളത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു
എറണാകുളത്ത് നിന്നും തലയോലപ്പറമ്പ് ഇല്ലിത്തൊണ്ടിലുള്ള ഗ്രാനൈറ്റ് കടയിലേക്ക് ലോഡുമായി വരികയായിരുന്നു മിനിലോറി. വാഴൂർ കാനത്ത് നിന്നും എറണാകുളം ഭാഗത്തേക്ക് പോകുകയായിരുന്നു ഇന്നോവ.
