“പഹൽഗാം ഭീകരരെ വധിച്ചെന്ന് അറിയുമ്പോൾ പ്രതിപക്ഷം സന്തോഷിക്കുമെന്ന് കരുതി; എന്നാൽ അവർ അസ്വസ്ഥരാണ്”; ആഞ്ഞടിച്ച് അമിത് ഷാ

ന്യൂഡൽഹി: മുതിർന്ന കോൺ​ഗ്രസ് നേതാവ് പി. ചിദംബരത്തിനെതിരെ ആഞ്ഞടിച്ച് കേന്ദ്ര ആഭ്യന്തര മന്ത്രി അമിത് ഷാ. പഹൽ​ഗാം ഭീകരാക്രണവുമായി ബന്ധപ്പെട്ട് പാകിസ്ഥാന് ക്ലീൻ ചീറ്റ് നൽകുന്ന തരത്തിലുള്ള പരാമർശങ്ങൾ പി. ചിദംബരത്തിന്റെ ഭാ​ഗത്ത് നിന്നുണ്ടായിരുന്നു. ഇതിനാണ് ലോക്സഭയിൽ കുറിക്കു കൊള്ളുന്ന മറുപടി നൽകിയത്. ഓപ്പറേഷൻ സിന്ദൂറുമായി ബന്ധപ്പെട്ട് പാർലമെന്റിൽ നടന്ന ചർച്ചയിലാണ് അമിത് ഷായുടെ വിമർശനം. പഹൽ​ഗാം ഭീകരർ പാകിസ്ഥാനികളാണ് എന്നതിന് തെളിവ് നൽകണമെന്ന് തലമുതിർന്ന നേതാവ് ആവശ്യപ്പെട്ടിരുന്നു

‘ പഹൽഗാം ഭീകരർ കൊല്ലപ്പെട്ടെന്ന് അറിയുമ്പോൾ പ്രതിപക്ഷം സന്തോഷിക്കുമെന്നാണ് കരുതിയത്. എന്നാൽ അവർ അസ്വസ്ഥരാണെന്ന് തോന്നുന്നു. പ്രതിപക്ഷം ഭീകരരുടെ മതം മാത്രമേ തിരയാറുള്ളൂ’- സ്വതസിദ്ധമായ ശൈലിയിൽ ആഭ്യന്തരമന്ത്രി പറഞ്ഞു.

ഇന്നലെ മുൻ ആഭ്യന്തര മന്ത്രി ചിദംബരംജി തീവ്രവാദികൾ പാകിസ്ഥാനിൽ നിന്നാണ് വന്നതെന്നതിന് തെളിവുണ്ടോ എന്ന് ചോദിക്കുന്നത് കേട്ടു? പാകിസ്ഥാനെ രക്ഷിച്ചാൽ അദ്ദേഹത്തിന് എന്ത് ലഭിക്കുമെന്ന് അറിയാൻ ആഗ്രഹിമുണ്ട്. ചി​ദംബരം പാകിസ്ഥാന് ക്ലീൻ ചിറ്റ് നൽകാനാണ് ശ്രമിക്കുന്നതെന്നും അമിത് ഷാ വിമർശിച്ചു.

കോൺഗ്രസിനെതിരെയും അദ്ദേഹം ആഞ്ഞടിച്ചു. ഭീകരാക്രമണങ്ങൾക്ക് സൈനിക ശക്തി ഉപയോഗിച്ച് മറുപടി നൽകുന്നതിൽ കോൺ​ഗ്രസ് പരാജയപ്പെട്ടെന്നും അദ്ദേഹം ചൂണ്ടിക്കാട്ടി.
2005 നും 2011 നും ഇടയിൽ 27 ഭീകരാക്രമണങ്ങളാണ് നടന്നത്. ഭീകരരുടെ ചിത്രങ്ങൾ പാകിസ്ഥാനിലേക്ക് അയച്ചു കാത്തിരിക്കുകയാണ് കോൺ​ഗ്രസ് ചെയ്തതെന്നും അദ്ദേഹം പരിസഹിച്ചു