പാലക്കാട് : നിയമസഭയിലേക്ക് മത്സരിക്കാൻ നീക്കവുമായി ഷാഫി പറമ്പിൽ എംപി രംഗത്ത്. വരുന്ന നിയമസഭാ തെരഞ്ഞെടുപ്പിൽ യു ഡി എഫ് നേട്ടമുണ്ടാക്കുമെന്ന വ്യാമോഹത്തിലാണ് ഷാഫിയുടെ നീക്കം. ഇതിനായി വീണ്ടും പാലക്കാട് നിന്നും മത്സരിക്കാനാണ് ലക്ഷ്യമിടുന്നത്.
യുഡിഎഫിന് ഭരണം കിട്ടുകയാണെങ്കിൽ മന്ത്രിസ്ഥാനമാണ് ഷാഫിയുടെ ലക്ഷ്യം. ഇതിനായി ഷാഫി ഗ്രൂപ്പിന്റെ രഹസ്യ യോഗവും പാലക്കാട് ചേർന്നു. ഈ രഹസ്യ ഗ്രൂപ്പ് യോഗത്തിന് ഷാഫി തന്നെ നേതൃത്വം നൽകി എന്നാണ് റിപ്പോർട്ട്. പാലക്കാട്ടെ പ്രമുഖ ഷാഫി അനുകൂലികൾ യോഗത്തിൽ പങ്കെടുത്തു.
കെപിസിസി ജനറൽ സെക്രട്ടറി സി ചന്ദ്രൻ,രാഹുൽ മാങ്കൂട്ടത്തിൽ എംഎൽഎ, ഡിസിസി ജനറൽ സെക്രട്ടറിമാർ, യൂത്ത് കോൺഗ്രസ് കെഎസ്യു ഭാരവാഹികൾ തുടങ്ങിയവർ യോഗത്തിൽ പങ്കെടുത്തു. തന്റെ അനുയായി ആയ സി ചന്ദ്രനെ പാലക്കാട്ടെ ഡിസിസി പ്രസിഡണ്ടാക്കാൻ ഷാഫി സമ്മർദ്ദം ചൊലുത്തിയിരുന്നു.പി.വി രാജേഷിനെ ഡിസിസി പ്രസിഡൻ്റ് ആക്കണമെന്നായിരുന്നു വി കെ ശ്രീകണ്ഠൻ എംപിയുടെ ആവശ്യം.
