കൊല്ലം: കൊല്ലം കരുനാഗപ്പള്ളി ചിറ്റുമലയിൽ നിന്ന് 54 ഗ്രാം എംഡിയുമായി യുവാവ് പിടിയിൽ. പുതിയകാവ് സ്വദേശി മുഹമ്മദ് റാഫിയാണ് പിടിയിലായത്. രഹസ്യ വിവരത്തിന്റെ അടിസ്ഥാനത്തിൽ പോലീസ് നടത്തിയ പരിശോധനയിൽ ഇന്ന് പുലർച്ചയാണ് റാഫിയെ പിടികൂടിയത് .
കരുനാഗപ്പള്ളി പൊലീസും കൊല്ലം സിറ്റി ഡാൻസാഫ് ടീമും ചേർന്നാണ് പരിശോധന നടത്തിയത്. പ്രദേശത്ത് മൊബൈൽ കട നടത്തുകയാണ് മുഹമ്മദ് റാഫി. കേസിൽ കൂടുതൽ അന്വേഷണം തുടരുന്നതായി പൊലീസ് അറിയിച്ചു.
