കൊച്ചി: ശബരിമലയില് സംസ്ഥാന സര്ക്കാര് നടത്തുന്ന ആഗോള അയ്യപ്പ സംഗമം തടയണമെന്നാവശ്യപ്പെട്ട് സമര്പ്പിക്കപ്പെട്ട ഹർജി ഹൈക്കോടതി ഇന്ന് പരിഗണിച്ചേക്കും. എം നന്ദകുമാര്, വിസി അജികുമാര് എന്നീ വ്യക്തികളാണ് ഹരജി നല്കിയിരിക്കുന്നത്. ഹൈക്കോടതിയുടെ അവധിക്കാല ബെഞ്ചാണ് ഹർജി പരിഗണിക്കുന്നത്.
അയ്യപ്പസംഗമം ഹൈന്ദവ ആരാധനാലയ നിയമത്തിന്റെ ലംഘനമാണ് എന്നും അയ്യപ്പസംഗമത്തിലൂടെ സര്ക്കാര് മതേതരത്വ കടമകളില് നിന്ന് മാറുന്നുവെന്നുമാണ് ഹർജിക്കാരുടെ വാദം. ദേവസ്വം ബോര്ഡ് അധികാരപരിധി ലംഘിച്ച് പ്രവര്ത്തിക്കുന്നു എന്നും ഹർജിയില് ആരോപണമുണ്ട്. അയ്യപ്പസംഗമത്തിനൊപ്പം ആഗോള ക്രിസ്ത്യന് സംഗമവും നടത്തണമെന്നും ഹർജിയിൽ ആവശ്യപ്പെടുന്നു.
ശബരിമലയുടെ അടിസ്ഥാന വികസനം മാത്രമാണ് പരിപാടിയുടെ ലക്ഷ്യം എന്ന് ദേവസ്വം ബോര്ഡ് പ്രസിഡന്റ് പി എസ് പ്രശാന്ത് പറയുന്നു. ഇത് രാഷ്ട്രീയ വിവാദമാക്കരുതെന്നും അദ്ദേഹം ആവശ്യപ്പെടുന്നു.
