തിരുവന്തപുരം: പുലിക്കളിക്ക് പിന്നാലെ വള്ളംകളിക്കും കേന്ദ്രമന്ത്രി സുരേഷ് ഗോപിയുടെ സമ്മാനം. കേരളത്തിന്റെ സാംസ്കാരിക പൈതൃകത്തിന് മുഖമുദ്രയായ ആറന്മുള ഉത്രട്ടാതി ജലമേളയ്‌ക്കാണ് മന്ത്രി സുരേഷ് ഗോപി മുൻകൈയെടുത്ത് സഹായം ലഭ്യമാക്കിയിരിക്കുന്നത്. 15 ലക്ഷം രൂപയാണ് ഉത്രട്ടാതി വള്ളംകളിക്കായി കേന്ദ്ര ടൂറിസം മന്ത്രാലയം അനുവദിച്ചത്. സമൂഹിക മാധ്യമങ്ങളിലൂടെ കേന്ദ്രമന്ത്രി സുരേഷ് ഗോപി തന്നെയാണ് ഈ സന്തോഷവാർത്ത പങ്കുവെച്ചത്.
” കേരളത്തിന്റെ സാംസ്കാരിക പൈതൃകത്തിന് ആവേശകരമായ വാർത്ത! ആറന്മുള ഉതൃട്ടാതി വള്ളംകളിക്ക് കേന്ദ്ര ടൂറിസം മന്ത്രാലയം 15 ലക്ഷം രൂപ അനുവദിച്ചു. ഈ പിന്തുണ വള്ളംകളിയെ പ്രോത്സാഹിപ്പിക്കുന്നതിനും നമ്മുടെ സംസ്ഥാനത്തിന്റെ സമ്പന്നമായ പാരമ്പര്യങ്ങൾ കൂടുതൽ ജനങ്ങളിലേക്ക് പ്രദർശിപ്പിക്കുന്നതിനും സഹായിക്കും”, മന്ത്രി പറഞ്ഞു
