ദ്വാരപാലകരുടേത് സ്വർണം പൊതിഞ്ഞ കവചങ്ങളായിരുന്നു; പുറത്തേക്ക് കൊണ്ടുപോകാൻ അനുമതി നൽകിയിട്ടില്ല; മുരാരി ബാബു പറഞ്ഞത് കള്ളം: ത​ന്ത്രി ക​ണ്ഠ​ര് രാ​ജീ​വ​ര്

പ​ത്ത​നം​തി​ട്ട: സ്വ‍ർണ്ണപ്പാളി കവർച്ചയിൽ പ്രതികരണവുമായി ശ​ബ​രി​മ​ല ത​ന്ത്രി താ​ഴ്മൺ മ​ഠം ക​ണ്ഠ​ര് രാ​ജീ​വ​ര്. ദ്വാരപാലക ശിൽപ്പങ്ങൾ സ്വർണം പൂശിയതുമായി ബന്ധപ്പെട്ട് മുൻ അഡ്മിനിസ്ട്രേറ്റീവ് ഓഫീസർ ബി മുരാരിബാബു പറയുന്നത് കള്ളമാണ്. ദ്വാ​ര​പാ​ല​ക ശി​ല്പ​ങ്ങ​ൾ അ​റ്റ​കു​റ്റ​പ്പ​ണി​ക​ൾ​ക്കു​വേ​ണ്ടി ശ​ബ​രി​മ​ല​യ്‌ക്കു പു​റ​ത്തേ​ക്കു കൊ​ണ്ടു​പോ​കാ​ൻ അ​നു​മ​തി ന​ൽ​കി​യി​രുന്നില്ലെന്നും അദ്ദേഹം പറഞ്ഞു.

ദ്വാരപാലകരുടേത് സ്വർണം പൊതിഞ്ഞ കവചങ്ങളായിരുന്നു. 2019ൽ ​ദ്വാ​ര​പാ​ല​ക ശി​ല്പ​ങ്ങ​ളി​ൽ സ്വ​ർ​ണ​ത്തി​ന്റെ മ​ങ്ങ​ലു​ള്ള​തി​നാ​ൽ അ​റ്റ​കു​റ്റ​പ്പ​ണി​ക​ൾ നടത്താൻ അനുമതി വേണമെന്ന് ആവശ്യപ്പെട്ടിരുന്നു. ചോദിച്ചതിന്റെ മറുപടി മാത്രമാണ് നൽകിയത്. പു​റ​ത്തേ​ക്കു കൊ​ണ്ടു​പോ​കാ​ൻ അനുമതി നൽകിയിട്ടില്ലെന്നും ത​ന്ത്രി പ​റ​ഞ്ഞു.

സ്വ​ർ​ണം പൊ​തി​ഞ്ഞ പാ​ളി​ക​ളുടെ അ​റ്റ​കു​റ്റ​പ്പ​ണി എന്ന് അന്ന് നൽകിയ രേ​ഖ​യി​ൽ പ്ര​ത്യേ​കം രേ​ഖ​പ്പെ​ടു​ത്തി​യി​രു​ന്നു. ഉണ്ണികൃഷ്ണൻ ഇങ്ങനൊരാളാണെന്ന് അറിയില്ലായിരുന്നു. മു​രാ​രി ബാ​ബു ചൊവ്വാഴ്ച പ​റ​ഞ്ഞ കാ​ര്യ​ങ്ങ​ൾ പ​ച്ച​ക്ക​ള്ള​മാണ്. വി​ഷ​യം കോ​ട​തി​യു​ടെ പ​രി​ഗ​ണ​ന​യി​ലാ​യ​തി​നാ​ൽ കൂ​ടു​ത​ൽ കാര്യങ്ങൾ പറയാനില്ലെന്നും അ​ദ്ദേ​ഹം അ​റി​യി​ച്ചു.

2019ൽ സ്വർണം പൂശാനായി പാളികൾ ഉണ്ണികൃഷ്ണൻ പോറ്റിക്ക് നൽകിയ സമയത്ത് ചെമ്പുപാളി എന്നെഴുതാൻ നിർദേശം നൽകിയ ഉദ്യോഗസ്ഥനാണ് മുരാരി ബാബു എന്ന് വിജിലൻസ് കണ്ടെത്തിയിരുന്നു.