മഹാഭാരതം എന്ന ചിത്രത്തിലൂടെ പ്രേക്ഷകർക്കിടയിൽ ശ്രദ്ധനേടിയ നടൻ പങ്കജ് ധീർ അന്തരിച്ചു. 68 വയസായിരുന്നു. അർബുദത്തെ തുടർന്ന് ചികിത്സയിലിരിക്കെയായിരുന്നു അന്ത്യം എന്നാണ് റിപ്പോർട്ടുകൾ. സുഹൃത്തും സഹപ്രവർത്തകനുമായ അമിത് ബെല്ലാണ് മരണവാർത്ത സ്ഥിരീകരിച്ചത്.
മാസങ്ങൾക്ക് മുമ്പ് രോഗം മൂർച്ഛിക്കുകയായിരുന്നു. പിന്നീട് ചികിത്സ നടത്തിയെങ്കിലും വീണ്ടും പിടിപ്പെട്ടു. തുടർന്ന് ശസ്ത്രക്രിയയ്‌ക്ക് വിധേയനാക്കി. എന്നിരുന്നാലും മോശം ആരോഗ്യാവസ്ഥയിലൂടെയാണ് അദ്ദേഹം കടന്നുപോയത്. തുടർന്ന് അത്യാഹിത വിഭാഗത്തിൽ ചികിത്സയിലിരിക്കെ മരിക്കുകയായിരുന്നു. മുംബൈയിലെ വൈൽ പാർലെയിൽ സംസ്കാരചടങ്ങുകൾ നടക്കും.
സനം ബേവഫ, ബാദ്ഷാ തുടങ്ങിയ നിരവധി സിനിമകളിലും ചന്ദ്രകാന്ത, സസുരൽ സിമർ ക തുടങ്ങിയ ടിവി ഷോകളിലും അദ്ദേഹം അഭിനയിച്ചിട്ടുണ്ട്. ‘മൈ ഫാദർ ഗോഡ്ഫാദർ’ എന്ന സിനിമയും അദ്ദേഹം സംവിധാനം ചെയ്തിട്ടുണ്ട്.
