ഭക്ഷണം കഴിച്ച് റോഡ് മുറിച്ച് കടക്കുന്നതിനിടെ കാർ ഇടിച്ച് തെറിപ്പിച്ചു; രണ്ട് യുവാക്കൾക്ക് ദാരുണാന്ത്യം

തൃശൂർ: വടക്കഞ്ചേരി ദേശീയ പാതയിൽ റോഡ് മുറിച്ച് കടക്കുന്നതിനിടെ കാർ ഇടിച്ച് രണ്ട് യുവാക്കൾക്ക് ദാരുണാന്ത്യം. അഞ്ചുമൂർത്തിമം​ഗലം തെക്കേത്തറ സ്വദേശിയായ ഷിബു(27), പല്ലാവൂർ സ്വദേശി കിഷോർ(27) എന്നിവരാണ് മരിച്ചത്.

അഞ്ചുമൂർത്തി മം​ഗലത്ത് ഇന്നലെ രാത്രിയാണ് ഒൻപത് മണിക്കാണ് അപകടമുണ്ടായത്. ഹോട്ടലിൽ നിന്നും ഭക്ഷണം കഴിച്ച് റോഡ് മുറിച്ച് കടക്കുന്നതിനിടെ പാലക്കാട് നിന്നും തൃശൂരിലേക്ക് പോകുന്ന കാർ ഇടിച്ച് തെറിപ്പിക്കുകയായിരുന്നു. ഇരുവരും സംഭവ സ്ഥലത്ത് തന്നെ മരിച്ചു. അമിത വേ​ഗതയിലായിരുന്നു കാർ എന്ന് ദൃക്സാക്ഷികൾ പറഞ്ഞു.