കല്യാണം എന്ന് കേൾക്കുമ്പോൾ ഒരു നൂറായിരം കാര്യങ്ങളാണ് നമുടെ മനസിലേക്ക് ഓടിയെത്തുന്നത്. ഒരു താലിക്കെട്ട് ചടങ്ങിൽ ഒതുങ്ങുന്നതല്ല, ഇന്നത്തെ വിവാഹച്ചടങ്ങുകൾ. സേവ് ദി ഡേറ്റ് മുതൽ മെഹന്തി, ഹൽദി, സംഗീത്, റിസപ്ഷൻ എന്നിങ്ങനെ നീളുന്നു. എന്നാൽ ആഘോഷങ്ങൾക്ക് ഏറ്റവും അഴക് നൽകുന്നത് ആ ദിവസങ്ങളിൽ കല്യാണപ്പെണ്ണ് ധരിക്കുന്ന വസ്ത്രങ്ങൾ തന്നെയാണ്.
വിവാഹച്ചടങ്ങുകളിൽ ഏറ്റവും പ്രധാനം വസ്ത്രങ്ങളാണ്. കാലത്തിനനുസരിച്ച് കല്യാണ വസ്ത്രങ്ങളുടെ ഡിസൈനിലും മാറ്റങ്ങൾ വരാറുണ്ട്. ഉത്തരേന്ത്യൻ വധുവിന്റെ ലുക്കിൽ അണിഞ്ഞൊരുങ്ങാനാണ് ഏവർക്കും താത്പര്യം. ലൈറ്റ് നിറത്തിലുള്ള നിറങ്ങൾ ഇഷ്ടപ്പെടുന്നവരും ഡാർക്ക് നിറങ്ങൾ ഇഷ്ടപ്പെടുന്നവരുമുണ്ട്. പഴയ ബ്രൈഡൽ ലുക്ക് ആഗ്രഹിക്കുന്നവരും കൂട്ടത്തിലുണ്ട്.
നെറ്റ് സാരികൾ- ഏറ്റവുമധികം ആളുകൾ തെരഞ്ഞെടുക്കുന്ന കല്യാണവസ്ത്രമാണ് നെറ്റ് സാരികൾ. ലൈറ്റ് നിറം വരുന്ന നെറ്റ് സാരികൾക്ക് ഡിമാൻഡും കൂടുതലാണ്. ഹെവി വർക്കായിരിക്കും ഇവയ്ക്ക് നൽകുന്നത്. ഫുൾ സ്ലീവ് ബ്ലൗസുകളാണ് ഇവയ്ക്ക് കൂടുതലും ചേരുക.
ബനാറസി സാരികൾ- കുറവ് വർക്കുള്ള അതിമനോഹരമായി തയാറാക്കിയ സാരിയാണ് ബനാറസി സാരികൾ. ഹെവി ബ്ലൗസായിരിക്കും തയാറാക്കുന്നത്. കടുത്ത നിറമാണ് ബനാറസ് സാരിക്ക് എപ്പോഴും ഭംഗി കൂട്ടുന്നത്.
പവിത്രപട്ട്- 80-90 കളിലെ സാരികൾ തിരിച്ചുവരുന്ന കാലമാണ് ഇന്ന്. അത്തരത്തിലുള്ള സാരികളാണ് പവിത്രപ്പട്ടുകൾ എന്ന് പറയുന്നത്. സാരിയുടെ ബോഡിയിലുടനീളം വരകളും ഗോൾഡൻ പൊട്ടുകളും വരുന്ന രീതിയിലുള്ള ഡിസൈനാണ് ഇത്തരം സാരിയുടെ പ്രത്യേകത.
കാഞ്ചീപുരം സാരി- എത്രകാലം കഴിഞ്ഞാലും തേജസും മാറ്റും കുറയാത്ത സാരിയാണ് കാഞ്ചീപുരം. ഇന്നും കാഞ്ചീപുരം സാരിക്ക് ആരാധകർ ഏറെയാണ്. വ്യത്യസ്ത നിറഞ്ഞ ഡിസൈനും പൈപ്പിംഗുമാണ് ഇവയ്ക്ക് ഉപയോഗിക്കുന്നത്.
