എറണാകുളം : കൊച്ചിയിൽ നടിയെ ആക്രമിച്ച കേസിൽ ശിക്ഷിക്കപ്പെട്ട രണ്ട് പ്രതികൾ ഹൈക്കോടതിയിൽ അപ്പീൽ നൽകി.
അഞ്ചാം പ്രതി വടിവാൾ സലീമും ആറാം പ്രതി പ്രദീപും ആണ് അപ്പീൽ നൽകിയത്. എറണാകുളം പ്രിൻസിപ്പൽ സെഷൻസ് കോടതി വിധി റദ്ദാക്കണം എന്ന് അപ്പീലിൽ ആവശ്യം. വിചാരണ കോടതി ശിക്ഷ വിധിച്ചത് മതിയായ തെളിവുകൾ ഇല്ലാതെയാണ് അന്നാണ് അപ്പീലിൽ പറയുന്നത്.
ബലാത്സംഗത്തിന് ഒന്നാം പ്രതിയെ സഹായിച്ചിട്ടില്ല എന്ന് പ്രതികൾ പറയുന്നു. ക്രിമിനൽ ഗൂഢാലോചനയ്ക്ക് കൂട്ട് നിന്നിട്ടില്ല എന്നും പ്രതികൾ അവകാശപ്പെടുന്നു. വിചാരണ കോടതി ചുമത്തിയത് അധിക ശിക്ഷയാണെന്ന് പ്രതികൾ പറയുന്നു.
പൾസർ സുനിയുമായി ബന്ധമില്ലെന്ന് അഞ്ചാം പ്രതി വടിവാൾ സലിം അവകാശപ്പെടുന്നു. കൂട്ടബലാത്സംഗ കുറ്റം നിലനിൽക്കില്ലെന്ന് ആറാം പ്രതി പ്രദീപ് പറയുന്നു. ഇവരുടെ അപ്പീൽ ഹൈക്കോടതി ഡിവിഷൻ ബഞ്ച് നാളെ പരിഗണിക്കും.
