കൊടുങ്ങല്ലൂർ ഭഗവതീ ക്ഷേത്രം താലപ്പൊലി മഹോത്സവത്തിന്റെ ഭാഗമായി സ്ഥാപിച്ച സ്പെഷ്യൽ ചലനാത്മക ശിൽപം ശ്രദ്ധയാകർഷിക്കുന്നു
ആഗോള താപനവുമായി ബന്ധപ്പെട്ട മരമുത്തശ്ശൻ ആണ് ഇക്കുറി ചലനാത്മക ശില്പരൂപത്തിൽ സ്ഥാപിച്ചത്. 40 അടിയാണ് ശില്പത്തിന്റെ ഉയരം
വരണ്ട കട്ടിയാർന്ന ഭൂമിയുടെ കൽ ഗോളത്തിൽ ഇരിക്കുന്ന മരമുത്തച്ഛൻ മനുഷ്യന്റെ ക്രൂരത പ്രകൃതിയെ ചുട്ടെരിച്ച് ജീവനെ ചാരമാക്കിയ ഒരു കാലം പരിഹാസ പുഞ്ചിരിയോടെ ഓർമ്മിക്കുന്നു. അല്പമെങ്കിലും അനുകമ്പ കാണിക്കൂ ഇല്ലെങ്കിൽ ഈ അവശേഷിക്കുന്ന പച്ചിലയും ഓർമ്മയായി തീരും എന്നാണ് മരമുത്തച്ഛൻ ജനതയോട് പറയുന്നത്.
മകരസംക്രാന്തി നാളിലാണ് കൊടുങ്ങല്ലൂർ ക്ഷേത്രത്തിലെ താലപ്പൊലി ഉത്സവം തുടങ്ങുന്നത് . ഈ വര്ഷം ഇത് 2026 ജനുവരി 14 മുതൽ ജനുവരി 18 വരെയായിരുന്നു.
