മുംബൈ: മഹാരാഷ്ട്രയുടെ ചരിത്രത്തിലെ ആദ്യ വനിതാ ഉപമുഖ്യമന്ത്രിയായി എൻസിപി നേതാവ് സുനേത്ര പവാർ സത്യപ്രതിജ്ഞ ചെയ്ത് അധികാരമേറ്റു. രാജ്ഭവനിൽ നടന്ന ചടങ്ങിൽ ഗവർണർ സത്യപ്രതിജ്ഞാ വാചകം ചൊല്ലിക്കൊടുത്തു. നിലവിൽ രാജ്യസഭാംഗമാണ് സുനേത്ര.
ഉപമുഖ്യമന്ത്രി സ്ഥാനം ഏറ്റെടുക്കാന് പാര്ട്ടി ആവശ്യപ്പെട്ടിരുന്നു. പിന്നാലെ അവര് സമ്മതം അറിയിക്കുകയായിരുന്നുവെന്നും അടുത്ത വൃത്തങ്ങൾ പറയുന്നു.
മുഖ്യമന്ത്രി ദേവേന്ദ്ര ഫഡ്നാവിസ് ഉപമുഖ്യമന്ത്രി ഏക്നാഥ് ഷിന്ഡെ എന്നിവരുടെ സാന്നിധ്യത്തിലായിരുന്നു ചടങ്ങ്. അന്തരിച്ച എൻസിപി നേതാവും മുൻ ഉപമുഖ്യമന്ത്രിയുമായ അജിത് പവാറിന്റെ പത്നിയായ സുനേത്ര പവാർ ദീർഘകാലമായി പൊതുരംഗത്ത് സജീവമാണ്.ഉപമുഖ്യമന്ത്രി സ്ഥാനം ഏറ്റെടുത്തതിന് പിന്നാലെ അവർ അജിത് പവാറിന്റെ മരണത്തോടെ ഒഴിഞ്ഞുകിടക്കുന്ന ബാരാമതി സീറ്റിൽ നിന്നും ജനവിധി തേടും.
സംസ്ഥാനത്തിന്റെ ഭരണതലപ്പത്ത് ഒരു വനിത ഈ പദവിയിലെത്തുന്നത് ഇതാദ്യമായാണ്. സഹകരണ മേഖലയിലും വിദ്യാഭ്യാസ രംഗത്തും സുനേത്ര പവാർ നടത്തിയ പ്രവർത്തനങ്ങൾ ഏറെ ശ്രദ്ധേയമാണ്. സുനേത്രയുടെ നിയമനം, വരാനിരിക്കുന്ന നിയമസഭാ തിരഞ്ഞെടുപ്പിൽ ഭരണസഖ്യത്തിന് വലിയ കരുത്താകുമെന്നാണ് വിലയിരുത്തപ്പെടുന്നത്.
