തൃശൂർ : കൈക്കൂലി വാങ്ങുന്നതിനിടെ വില്ലേജ് ഓഫീസർ അറസ്റ്റിൽ. പുന്നയൂർക്കുളം കടിക്കാട് സ്പെഷ്യൽ വില്ലേജ് ഓഫീസർ ടി വി വിനോദ് ആണ് അറസ്റ്റിലായത്.
ആർ ഓ ആർ ശരിയാക്കുന്നതിനും നികുതി അടക്കുന്നതിനും 5 ലക്ഷം രൂപ കൈക്കൂലി ആവശ്യപ്പെടുകയായിരുന്നു. എന്നാൽ ഒടുവിൽ വിലപേശി രണ്ടരലക്ഷം രൂപ നൽകാമെന്ന് പരാതിക്കാരനുമായി ധാരണ ഉണ്ടാക്കി.
അമ്പതിനായിരം രൂപ തുണിയിൽ പൊതിഞ്ഞ് ഓഫീസിലെ ഊണു മേശയിലെ ഫയലിനകത്ത് വയ്‌ക്കാൻ വില്ലേജ് ഓഫീസർ ടി വി വിനോദ് നിർദ്ദേശിച്ചു. ഫയലിൽ വച്ച പണമാണ് വിജിലൻസ് പിടിച്ചെടുത്തത്
പ്രതി നിലവിൽ വിജിലൻസ് കസ്റ്റഡിയിലാണ്.
