ശ്രീകൃഷ്ണപുരം: അംഗനവാടി പരിസരം വൃത്തിയാക്കുന്നതിനിടയില് അധ്യാപികയ്ക്ക് പാമ്പുകടിയേറ്റു. വെള്ളിനേഴി ഗ്രാമപഞ്ചായത്തിലെ കോരഞ്ചിറ അംഗനവാടിയിലെ അധ്യാപികയായ വിശാലത്തിനാണ് (57) പരിക്കേറ്റത്.
ശനിയാഴ്ച രാവിലെ അംഗനവാടിയും പരിസരവും ശുചീകരിക്കുന്നതിനിടയിലാണ് സംഭവം. ഉടന്തന്നെ ഇവരെ ശ്രീകൃഷ്ണപുരം കുടുംബാരോഗ്യ കേന്ദ്രത്തില് എത്തിച്ച് പ്രാഥമിക ചികിത്സകള് നല്കി. തുടര്ന്ന് വിദഗ്ധ പരിശോധനകള്ക്കും നിരീക്ഷണത്തിനുമായി ഒറ്റപ്പാലം താലൂക്ക് ആശുപത്രിയിലേക്ക് മാറ്റി. അധ്യാപികയുടെ ആരോഗ്യനില നിലവില് തൃപ്തികരമാണെന്നാണ് റിപ്പോര്ട്ടുകള്.
അംഗനവാടി പരിസരങ്ങളില് മഴക്കാലത്തിന് മുന്നോടിയായി നടത്തുന്ന ശുചീകരണ പ്രവര്ത്തനങ്ങള്ക്കിടെ ഇത്തരത്തിലുള്ള അപകടങ്ങള് ശ്രദ്ധയില്പ്പെടുന്നത് പ്രദേശവാസികളില് ആശങ്കയുണ്ടാക്കിയിട്ടുണ്ട്. പരിസരങ്ങളിലെ കാടുപിടിച്ചു കിടക്കുന്ന അവസ്ഥ പരിഹരിക്കാന് നടപടി വേണമെന്ന ആവശ്യവും ഉയരുന്നുണ്ട്.
