ജമ്മു: ജമ്മു കശ്മീരിലെ ഉധംപൂര് ജില്ലയില് രണ്ട് ജെയ്ഷ് ഭീകരരെ വധിച്ച ഓപ്പറേഷന് സോഹന്റെ വിജയകരമായ നടത്തിപ്പിന് വൈറ്റ് നൈറ്റ് കോര്പ്സിനെ അഭിനന്ദിച്ച് നോര്ത്തേണ് ആര്മി കമാന്ഡര് ലെഫ്റ്റനന്റ് ജനറല് പ്രതിക് ശര്മ്മ. മജല്ത മേഖലയില് നടത്തിയ ഓപ്പറേഷനില് വേഗത്തിലും കൃത്യതയോടെയും പ്രൊഫഷണല് മികവോടെയും സേന പ്രവര്ത്തിച്ചതായി അദ്ദേഹം വ്യക്തമാക്കി. ജമ്മു കശ്മീര് പൊലീസും സിആര്പിഎഫും സംയുക്തമായി നടത്തിയ രഹസ്യാന്വേഷണാധിഷ്ഠിത നീക്കത്തിലൂടെയാണ് ഭീകരരെ കണ്ടെത്തിയത്.
വിവിധ സുരക്ഷാ ഏജന്സികള് തമ്മിലുള്ള ഏകോപനത്തിന്റെ ശക്തിയാണ് ഓപ്പറേഷന്റെ വിജയത്തിന് പിന്നിലെന്ന് ആകാശവാണി ജമ്മു റിപ്പോര്ട്ട് ചെയ്തു. ഓപ്പറേഷനില് രണ്ട് ജെയ്ഷ് ഭീകരരെ വധിച്ചതിന് പുറമെ ഒരു ഓവര്ഗ്രൗണ്ട് വര്ക്കറെയും അറസ്റ്റ് ചെയ്തു. ആയുധങ്ങളും വെടിക്കോപ്പുകളും സുരക്ഷാസേന പിടിച്ചെടുത്തു. ഭീകരവിരുദ്ധ പ്രവര്ത്തനങ്ങളില് സേനയും മറ്റ് സുരക്ഷാ ഏജന്സികളും തമ്മിലുള്ള ഏകോപനം ശക്തമായി തുടരുന്നതിന്റെ ഉദാഹരണമാണ് ഓപ്പറേഷന് സോഹന്റെ വിജയമെന്നും റിപ്പോര്ട്ടില് പറയുന്നു.
