മലപ്പുറം: വണ്ടൂർ നടുവത്ത് മൂച്ചിക്കലിലുണ്ടായ വാഹനാപകടത്തിൽ 19കാരൻ മരിച്ചു. മരക്കലംക്കുന്ന് കുമ്മാളി വീട്ടിൽ പ്രണവാണ് മരിച്ചത്. അപകടത്തിൽ മൂന്ന് പേർക്ക് പരിക്കേറ്റു.
ചൊവ്വാഴ്ച രാത്രി 11.50ഓടെയായിരുന്നു അപകടം. നാലുപേർ സഞ്ചരിച്ചിരുന്ന ടൊയോട്ട ഫോർച്യൂണർ നിയന്ത്രണം വിട്ട് റോഡരികിൽ നിർമാണത്തിനായി സൂക്ഷിച്ചിരുന്ന കുടിവെള്ള പൈപ്പിൽ ഇടിക്കുകയായിരുന്നു.
അപകടത്തിൽ പരിക്കേറ്റവരെ ഉടൻ വണ്ടൂർ നിംസ് ആശുപത്രിയിൽ എത്തിച്ചു. കാറിലുണ്ടായിരുന്ന മരക്കലംക്കുന്ന് സ്വദേശി ആതിഷ്, വടപുറം പാലറമ്പ് സ്വദേശി അഭിജിത് എന്നിവരുടെ പരിക്ക് ഗുരുതരമായതിനാൽ പെരിന്തൽമണ്ണയിലെ സ്വകാര്യ ആശുപത്രിയിലേക്ക് മാറ്റി. മറ്റ് പരിക്കേറ്റവരുടെ വിവരങ്ങൾ ലഭ്യമായിട്ടില്ല.