ന്യൂഡല്‍ഹി: കൊണാട്ട് പ്ലേസിലെ സെന്‍ട്രല്‍ പാര്‍ക്കില്‍ വെള്ളിയാഴ്ച നടത്താനിരുന്ന ‘ലെഹ്റാ ദോ തിരംഗ’ മാര്‍ച്ചിന് മുന്നോടിയായി സി.ജെ.പി സ്ഥാപകന്‍ അഭിജീത് ദീപ്‌കെയെ ഡല്‍ഹി പോലീസ് കസ്റ്റഡിയിലെടുത്തു. വൈകിട്ട് അഞ്ചുമണിക്ക് നിശ്ചയിച്ചിരുന്ന മാര്‍ച്ചില്‍ പങ്കെടുക്കാനെത്തുന്നതിനിടെയായിരുന്നു നടപടി. മാര്‍ച്ച് റദ്ദാക്കണമെന്ന് ആവശ്യപ്പെട്ട് ഡല്‍ഹി പോലീസ് ഉച്ചയോടെ അഭിജീത് ദീപ്‌കെയ്‌ക്ക് നോട്ടിസ് നല്‍കിയിരുന്നു. ഈ നിര്‍ദേശം ലംഘിച്ചതിനാണ് അദ്ദേഹത്തെ കസ്റ്റഡിയിലെടുത്തത്.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
അതേസമയം, ദേശീയപതാകകളുമായി സി.ജെ.പി പ്രവര്‍ത്തകര്‍ കൊണാട്ട് പ്ലേസിലേക്ക് നീങ്ങുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്. മാര്‍ച്ച് നടത്താനുള്ള നീക്കവും പോലീസിന്റെ നടപടിയും പ്രദേശത്ത് സംഘര്‍ഷാവസ്ഥയ്‌ക്ക് കാരണമായി. അതേസമയം കൊണാട്ട് പ്ലാസയിലേക്ക് പോകരുതെന്ന് പോലീസ് നിര്‍ദ്ദേശിച്ചിട്ടുണ്ട്. ട്രാഫിക് പോലീസാണ് നിര്‍ദ്ദേശം നല്‍കിയത്. പാര്‍ക്കിലും പ്രവേശം നിഷേധിച്ചതായും പോലീസ് പറഞ്ഞു.