ലക്നൗ: ജൂണിയര് ഹോക്കി ലോകകപ്പില് ഇന്ത്യ സെമിയിലെത്തി. ലക്നൗവിലെ ധ്യാന്ചന്ദ് സ്റ്റേഡിയത്തില് നടന്ന മത്സരത്തില് സ്പെയിനിനെ ഒന്നിനെതിരേ രണ്ട് ഗോളുകള്ക്ക് തോല്പിച്ചാണ് ഇന്ത്യയുടെ സെമി പ്രവേശനം. വെളളിയാഴ്ച നടക്കുന്ന സെമിയില് ഇന്ത്യ ഓസ്ട്രേലിയയെ നേരിടും.
ഇരുപത്തിരണ്ടാം മിനിറ്റില് മാര്ക് സെറാഹിമ നേടിയ ഗോളിലൂടെ സ്പെയിന് മുന്നിലെത്തിയിരുന്നു. അന്പത്തിയഞ്ചാം മിനിറ്റില് സിമ്രാന്ജിത് സിംഗിലൂടെയാണ് ഇന്ത്യ സമനില പിടിച്ചത്. ഇതിന് പിന്നാലെ ഹര്മന്പ്രീത് സിംഗിലൂടെ ഇന്ത്യ വിജയഗോള് നേടുകയും ചെയ്തു.
അര്ജന്റീനയെ ഷൂട്ടൗട്ടില് പരാജയപ്പെടുത്തിയ ബല്ജിയവും ഇംഗ്ലണ്ടിനെ 4-2 ന് തോല്പിച്ച ജര്മനിയും തമ്മിലാണ് രണ്ടാം സെമി.
