ബംഗളുരു: ഇംഗ്ലണ്ടിനെതിരായ മൂന്നാമത്തെയും അവസാനത്തെയും ട്വന്റി 20 മത്സരത്തിൽ ഇന്ത്യയ്ക്ക് തകർപ്പൻ ജയം. ജയത്തോടെ പരമ്പര ഇന്ത്യ സ്വന്തമാക്കി. 8 റൺസ് വഴങ്ങി 6 വിക്കറ്റ് വീഴ്ത്തിയ ചഹലാണ് ഇന്ത്യയുടെ വിജയ ശിൽപി.
203 റൺസ് വിജയലക്ഷ്യവുമായി പൊരുതാനിറങ്ങിയ ഇഗ്ലണ്ട് 16.3 ഓവറിൽ 127 റൺസിന് ഓൾ ഔട്ടായി. 13 ഓവർ പൂർത്തിയാകുമ്പോൾ ഇംഗ്ലണ്ട് സ്കോർ 2 വിക്കറ്റ് നഷ്ടത്തിൽ 117 ആയിരുന്നു. ചഹൽ എറിഞ്ഞ 14-ം ഓവറിൽ 42 റൺസെടുത്ത ജോ റൂട്ടും, 40 റൺസ് എടുത്ത ഇയാൻ മോർഗനും പുറത്തായതോടെ ഇംഗ്ലീഷ് നിര ചീട്ടുകൊട്ടാരം പോലെ തകരുകയായിരുന്നു.
ബൂമ്ര 14 റൺസ് വഴങ്ങി 3 വിക്കറ്റും അമിത് മിശ്ര 23 റൺസ് വഴങ്ങി 1 വിക്കറ്റും വീഴ്ത്തി.
