ബംഗളൂരു: ബംഗളൂരു ക്രിക്കറ്റ് ടെസ്റ്റിൽ ഇന്ത്യക്കെതിരെ ഓസ്ട്രേലിയക്ക് ഒന്നാം ഇന്നിംഗ്സ് ലീഡ്. രണ്ടാം ദിവസം കളി അവസാനിച്ചപ്പോൾ ആറ് വിക്കറ്റ് നഷ്ടത്തിൽ 237 റൺസെന്ന നിലയിലാണ് സന്ദർശകർ. ഇപ്പോൾ 48 റൺസിന്‍റെ ലീഡാണ് ഓസീസിനുള്ളത്.
ബാറ്റിംഗ് ദുഷ്കരമായ പിച്ചിൽ രണ്ടാംദിനം ഓസ്ട്രേലിയയും റൺസ് കണ്ടെത്താൻ വിഷമിച്ചു. രണ്ടാം ദിനം 197 റൺസ് മാത്രമെടുക്കാനേ സന്ദർശകർക്ക് കഴിഞ്ഞുള്ളൂ. ഓപ്പണർ റെൻഷായുടെയും ഷോൺ മാർഷിന്‍റെയും അർദ്ധ സെഞ്ച്വറിയാണ് ഓസീസിനെ ഭേദപ്പെട്ട നിലയിലെത്തിച്ചത്.
മാത്യു വെയ്ഡും മിച്ചൽ സ്റ്റാർക്കുമാണ് ക്രീസിൽ. ഇന്ത്യക്ക് വേണ്ടി രവീന്ദ്ര ജഡേജ മൂന്ന് വിക്കറ്റ് വീഴ്‌ത്തി.
