ഇംഗ്ലീഷ് പ്രീമിയർ ലീഗിൽ ചെൽസി വിജയക്കുതിപ്പ് തുടരുന്നു. വെസ്റ്റ് ഹാമിനെ ഒന്നിനെതിരെ രണ്ട് ഗോളുകൾക്കാണ് ചെൽസി തകർത്തത്
ചെൽസിയെ മറികടന്ന് പോയിന്റ് പട്ടികയിൽ മുന്നേറാൻ ഇറങ്ങിയ വെസ്റ്റ് ഹാമിന് പിഴച്ചു. മത്സരത്തിന്റെ ആദ്യം മുതൽ ഇരു ടീമുകളും ആക്രമിച്ച് കളിച്ചു. 25ആം മിനിറ്റിൽ ഹസാർഡ് ചെൽസിയെ മുന്നിലെത്തിച്ചു.
ഗോൾ വഴങ്ങിയതിന് പിന്നാലെ ചെൽസിയുടെ ഗോൾ മുഖത്തേക്ക് ഇരച്ച് കയറിയെങ്കിലും വെസ്റ്റ് ഹാമിന് പക്ഷേ ഗോൾ മാത്രം നേടാൻ ആയില്ല.
രണ്ടാം പകുതിയിലും പല മുന്നേറ്റങ്ങളും ഇരു ഭാഗത്ത് നിന്നും ഉണ്ടായി.
84ആം മിന്നിറ്റിൽ ഡീഗോ കോസ്റ്റയിലൂടെ ചെൽസി ലീഡ് വർദ്ധിപ്പിച്ചു. മത്സരത്തിന്റെ അവസാന നിമിഷമായിരുന്നു വെസ്റ്റ് ഹാമിന്റെ ആശ്വാസ ഗോൾ. ജയത്തോടെ 27 മത്സരങ്ങളിൽ നിന്ന് ചെൽസി 66 പോയിന്റുമായി പട്ടികയിൽ ഒന്നാംസ്ഥാനത്ത് തുടരുകയാണ്.
