ഗോള് : ശ്രീലങ്കയ്ക്കെതിരായ ടെസ്റ്റ് പരമ്പരയ്ക്ക് ഇന്നു ഗോളില് തുടക്കം. ആകെ മൂന്നു ടെസ്റ്റുകളാണ് പരമ്പരയിലുളളത്
വിരാട് കോഹ്ലിക്കു കീഴില് യുവനിരയുടെ ചങ്കുറപ്പോടെയാണ് ഇന്ത്യയുടെ വരവ്. മറുവശത്ത് ലങ്ക അത്ര നല്ല ഫോമിലല്ല. സിംബാബ്വെയ്ക്കെതിരെ ഏകദിന പരമ്പര നഷ്ടപ്പെട്ടപ്പോള് ഏക ടെസ്റ്റില് വിജയം പിടിച്ചെടുത്തു എന്നതുമാത്രമാണ് അവരെ സംബന്ധിച്ച് ആശ്വാസകരം.
എന്നാല് രണ്ടു വര്ഷം മുന്പ് ലങ്കന് പര്യടനത്തില് ഇതേ ഗോള് സ്റ്റേഡിയത്തിലാണ് നാലു ദിവസംകൊണ്ട് ശ്രീലങ്ക ഇന്ത്യയെ തോല്പ്പിച്ചത്. 176 റണ്സിനായി രണ്ടാം ഇന്നിങ്സ് ബാറ്റിങ്ങിനിറങ്ങിയ ഇന്ത്യ ് വെറും 112 റണ്സിന് പുറത്തായിരുന്നു.
അശ്വിന്റെ അമ്പതാം ടെസ്റ്റ് മത്സരമാണ് ഇന്നത്തേത്. 2015ല് നടന്ന പര്യടനത്തില് ഗോളില് പത്തു വിക്കറ്റ് വീഴ്ത്തിയ അശ്വിന് ഇതേ പിച്ചില് ഇന്ന്
വിസ്മയം തീര്ക്കുമെന്നാണ് ആരാധകര് വിശ്വസിക്കുന്നത്.
ഇന്ത്യയും ശ്രീലങ്കയും ഇതുവരെ പരസ്പരം ഏറ്റുമുട്ടിയത് 38 ടെസ്റ്റ് മത്സരങ്ങളില്. 16 എണ്ണത്തില് വിജയം ഇന്ത്യയ്ക്കൊപ്പം. ഏഴെണ്ണത്തില് ശ്രീലങ്ക ജയിച്ചു. 15 മത്സരങ്ങള് സമനിലയിലായി.
ഇന്ത്യയും ശ്രീലങ്കയും തമ്മില്ലുളള അവസാന പരമ്പര 2015ലായിരുന്നു. അതില് 2-1ന് ഇന്ത്യയ്ക്കു വിജയിച്ച പരമ്പര നേടി.
