ലണ്ടന്: ലോക അത്ലറ്റിക്സ് ചാമ്പ്യന്ഷിപ്പില് ഇന്ത്യയ്ക്ക് നിരാശയോടെ തുടക്കം. പുരുഷന്മാരുടെ 400 മീറ്റര് ഹീറ്റ്സില് പങ്കെടുത്ത മലയാളി താരം മുഹമ്മദ് അനസും വനിതളുടെ 100 മീറ്ററില് ദ്യൂതി ചന്ദും ആദ്യ റൗണ്ടില് തന്നെ പുറത്തായി. 45.98 സെക്കന്റില് ഓടിയെത്തിയ അനസ് 52 പേരില് 33-ാമനായാണ് മത്സരം പൂര്ത്തിയാക്കിയത്. അതേസമയം 100 മീറ്റര് ഹീറ്റ്സില് 12.07 സെക്കന്&്വംഷ;ഡില് ഫിനിഷ് ചെയ്ത ദ്യുതി ചന്ദ് ഹീറ്റ്സില് 38ാം സ്ഥാനത്തായി.
400 മീറ്ററില് ബോട്സ്വാനയുടെ ഇസാക്ക് മക്വാല(44.55 സെ.)യാണ് ഹീറ്റ്സില് മികച്ച സമയം കുറിച്ചത്. 45.71 സെക്കന്റാണ് സെമിയിലേക്ക് യോഗ്യത നേടിയ ഏറ്റവും ഉയര്ന്ന സമയം. അനസ് മത്സരിച്ച ആറാം ഹീറ്റ്സില് നാലാമനായാണ് മത്സരം പൂര്ത്തിയാക്കിയത്. ഹീറ്റ്സിലെ ആദ്യ മൂന്ന് സ്ഥാനക്കാരാണ് സെമിഫൈനലിമ് യോഗ്യത നേടുക. ആദ്യ 100 മീറ്ററില് നന്നായി ഓടാനായെങ്കിലും അത് നിലനിര്ത്തി കൊണ്ടുപോകാനായില്ലെന്നും റിലെ മത്സരങ്ങളില് മികച്ച പ്രകടനം നടത്തുമെന്നും മത്സര ശേഷം അനസ് പറഞ്ഞു.
12.07 സെക്കന്റില് ഫിനിഷ് ചെയ്ത ദ്യൂതി ഹീറ്റ്സില് 38ാം സ്ഥാനത്താണ്. സെമിയിലെത്തിയ 24 പേരില് ഉയര്ന്ന സമയം 11.32 സെക്കന്റാണ്. 10.95 സെക്കന്റില് മത്സരം പൂര്ത്തിയാക്കിയ ജര്മനിയുടെ ജിന ലൂക്കെന്റകെംപറുടെതാണ് ഹീറ്റ്സിലെ മികച്ച സമയം.
