ഫോഡ് ഇന്ത്യയുടെ എന്ഡെവര് ഫേസ് ലിഫ്റ്റ് 7 സീറ്റുള്ള എസ്യുവി മോഡല് ഫെബ്രുവരി 22 ന് ലോഞ്ച് ചെയ്യും. മോഡലിന്റെ ഓണ്ലൈന് ബുക്കിംങ്ങ് അരംഭിച്ചു. പഴയ എന്ഡെവറില് നിന്നും വലിയ മാറ്റങ്ങളൊന്നും ഫേസ് ലിഫ്റ്റ് വാഗ്ദാനം ചെയ്യുന്നില്ലെങ്കിലും കുറച്ച് നല്ല ഫീച്ചറുകള് ഉള്ക്കൊള്ളിച്ചിട്ടുണ്ട്.
2019 മോഡലിന് പഴയതില് നിന്നും വലിയ മാറ്റങ്ങളൊന്നും ഇല്ലെങ്കിലും പുതിയ ഡിസൈനിലെ ഏറ്റവും വലിയ മാറ്റമെന്നത് ബംമ്പര്, മുന്വശത്തെ ഗ്രില്ലുകള്, അലോയ് വീലുകള്, ഇന്റീരിയലിലെ മാറ്റങ്ങള് എന്നിവയാണ്. പിന്നീടുള്ള എടുത്ത് പറയത്തക്ക മാറ്റം ടച്ച് സ്ക്രീന് ഇന്ഫോടെയ്ന്മെന്റ് സിസ്റ്റം, പുഡില് ലാമ്പുകള്, പുഷ് സ്റ്റാര്ട്ട്, ഇല്ട്രിക് ബൂട്ട് റിലീസ് എന്നിവയാണ്.
പുതിയ ഫേസ് ലിഫ്റ്റ് മോഡലിന് രണ്ട് വകഭേദങ്ങളാണ് കമ്പനി ഓഫര് ചെയ്യുന്നത്. ടൈറ്റാനിയം, ടൈറ്റാനിയം പ്ലസ് എന്നിവയാണിത്.
2.2 ലിറ്ററിന്റെ നാല് സിലിണ്ടറുകള്, 3.2 ലിറ്ററിന്റെ അഞ്ച് സിലിണ്ടറുകള് എന്നിങ്ങനെ ഡീസല് എഞ്ചിനുകള് രണ്ട് വകഭേദങ്ങളില് ലഭ്യമാകും. 2.2 ലിറ്റര് മോഡലിന് 158 ബിഎച്ച്പിയും 385 എന്എം ടോര്ഖും, 3.2 ലിറ്റര് 197 ബിഎച്ച്പി യും 470 എന്എം ടോര്ഖും സൃഷ്ടിക്കാനാകും.
2.2 ലിറ്റര് ഡീസല് എന്ജിന് ആറ് സ്പീഡ് മാനുവല് ഗിയറിലും 3.2 ലിറ്റിന്റെ ഡീസല് എന്ജിന് ആറ് സ്പീഡ് ആട്ടോമാറ്റിക് ഗിയറിലും മോഡലുകള് ലഭ്യമാകും.
ടൊയോട്ട ഫോര്ച്യൂണര്, മഹീന്ദ്രാ ആള്ട്ട്യൂറാസ് ജി 4 , ഹോണ്ട സിആര്-വി, പജേറോ സ്പോട്ട് എന്നീ മോഡലുകള്ക്കാവും ഫോഡ് എന്ഡെവര് ഫേസ് ലിഫ്റ്റ് മോഡല് ഭീഷണിയാവുക.
മോഡലിന്റെ വില 28-34 ലക്ഷം രൂപയാകുമെന്നാണ് പ്രതീക്ഷിക്കപ്പെടുന്നത്.
7 സീറ്റര് എസ് യു വി തിരയുന്നവര്ക്കുള്ള മികച്ച മോഡലാകും എന്ഡെവര് ഫേസ് ലിഫ്റ്റ് മോഡലെന്നാണ് കമ്പനി അവകാശപ്പെടുന്നത്.
അതേസമയം, എന്ഡെവര് പ്രീ-ഫേസ് ലിഫ്റ്റ് മോഡലിന് കമ്പനി വന് ഓഫറാണ് വാഗ്ദാനം ചെയ്യുന്നത്. ഒരു ലക്ഷം രൂപ വരെ വിലക്കിഴിവാണ് കമ്പനിയുടെ വാഗ്ദാനം.
2016 ലാണ് ഫോഡ് എന്ഡെവര് പ്രീ-ഫേസ് ലിഫ്റ്റ് മോഡല് പുറത്തിറക്കുന്നത്. 24.75 ലക്ഷം രൂപയായിരുന്നു ഇതിന്റെ എക്സ്- ഷോറൂം വില.
