സുസുക്കിയുടെ ജനപ്രിയ മോഡലായ ജിക്സര് 250 സിസി പുത്തന് കരുത്തും സ്റ്റൈലുമായി എത്തുകയാണ്. ജിക്സര് 150 മോഡലിന് അടിസ്ഥാനമായി ഒരുക്കിയ പ്ലാറ്റ്ഫോം തന്നെയായിരിക്കും 250യിലും നല്കുക. രൂപത്തില് സാധാരണ ജിക്സറിനോട് സാമ്യമുണ്ടെങ്കിലും സുസുക്കി ജിഎക്സ്എസ് 300ലെ ചില ഡിസൈനുകള് ബൈക്കിലുണ്ട്.
26.5 ബിഎച്ച്പി കരുത്തേകുന്ന ബിഎസ്6 നിലവാരമുള്ള 250 സിസി സിംഗിള് സിലിണ്ടര് എയര് കൂള്ഡ് എന്ജിനായിരിക്കും വാഹനത്തിന് നല്തിയിരിക്കുന്നത്. യമഹ FZ25, ഹോണ്ട CBR250, ഡ്യൂക്ക് 200 എന്നീ വാഹനങ്ങളുടെ എതിരാളിയാകാന് ഒരുങ്ങുകയാണ് ജിക്സര് 250. മ്യൂസിക്, മെസേജ്, കോള് എന്നീ സൗകര്യങ്ങള് ലഭ്യമാക്കാന് ബ്ലൂടൂത്ത് കണക്റ്റിവിറ്റിയുള്ള ഡിജിറ്റല് ഇന്സ്ട്രുമെന്റ് കണ്സോളും വാഹനത്തിലുണ്ടാകും. ബൈക്കിന്റെ ടെയില് ലാമ്പ് എല്ഇഡിയായിരിക്കും. മുന്നിലും പിന്നിലും ഡിസ്ക് ബ്രേക്കും എബിഎസുമാണ് സുരക്ഷയൊരുക്കുന്നത്. മുന്നില് സാധാരണ ടെലിസ്കോപിക് ഫോര്ക്കും പിന്നില് അഡ്ജസ്റ്റ് ചെയ്യാന് സാധിക്കുന്ന മോണോഷോക്കുമാണ് ഒരുക്കുന്നത്.
പുതിയ രൂപത്തില് എത്തുന്ന ജിക്സര് 250-യ്ക്ക് 1.5 ലക്ഷം രൂപയാണ് വില പ്രതീക്ഷിക്കുന്നത്. മെയ് 20-ഓടെ നിരത്തില് എത്തിയേക്കും
