ഇന്ത്യന് നിരത്തുകള് കീഴടക്കാനായി ബിഎംഡബ്ല്യുവിന്റെ X5 എസ്യുവി എത്തി. ക്രിക്കറ്റ് ഇതിഹാസം സച്ചിന് ടെണ്ടുല്ക്കറാണ് ബിഎംഡബ്ല്യുവിന്റെ X5 എസ്യുവി ഇന്ത്യയില് അവതരിപ്പിച്ചത്.
മുംബൈയില് നടന്ന ലോഞ്ചിങ് ചടങ്ങിലാണ് 30d സ്പോര്ട്ട്, 30d X ലൈന് എന്നീ രണ്ട് വകഭേദങ്ങളില് ലഭ്യമാകുന്ന X5 ഡീസല് വാഹനത്തെ അവതരിപ്പിച്ചത്. 72.9 ലക്ഷമാണ് 30d സ്പോര്ട്ടിന്റെ വില. 82.4 ലക്ഷമാണ് 30d X ലൈന്റെ വില. നിലവില് ഡീസല് പതിപ്പുകള് മാത്രമാണ് ഇപ്പോള് വിപണിയിലെത്തിക്കുക. ഈ വര്ഷം അവസാനത്തോടെ പെട്രോള് പതിപ്പും വിപണിയിലെത്തിക്കും.
M സ്പോര്ട്ട് എന്ന ഒരു വകഭേദം മാത്രമാണ് പെട്രോള് പതിപ്പിലുള്ളത്. 82.4 ലക്ഷം രൂപയാണ് M സ്പോര്ട്ടിന്റെ വില. നിരവധി പുതിയ ഫീച്ചറുകള് ഉള്പ്പെടുത്തിയാണ് പുതിയ പതിപ്പുകള് നിര്മ്മിച്ചിരിക്കുന്നത്. 4,921 mm നീളവും 1,970 mm വീതിയും 1,737 mm ഉയരവും 2,975 mm വീല്ബേസുമുള്ളതാണ് പുതിയ ബിഎംഡബ്ല്യു X5.
3.0 ലിറ്റര് ശേഷിയുള്ള ആറ് സിലിണ്ടര് ടര്ബോചാര്ജിംഗ് എഞ്ചിനാണ് ഡീസല് പതിപ്പായ ബിഎംഡബ്ല്യു X5 xDrive30dന്റെ ഹൃദയം. ഈ എഞ്ചിന് 261 bhp കരുത്തും 620 Nm ടോര്ക്കും പരമാവധി സൃഷ്ടിക്കാനാകും. എട്ട് സ്പീഡ് ഓട്ടോമാറ്റിക്ക് ഗിയര്ബോക്സും ബിഎംഡബ്ല്യുവിന്റെ xDrive AWD (ഓള്വീല് ഡ്രൈവ്) സംവിധാനവും പുതിയ പതിപ്പിലുണ്ട്.
