ജര്മ്മന് വാഹന നിര്മ്മാതാക്കളായ ബിഎംഡബ്ല്യു F 850GS അഡ്വഞ്ചര് ഇന്ത്യന് വിപണിയില്. രാജ്യത്തെ എല്ലാ ബിഎംഡബ്ല്യു മേട്ടോറാഡ് ഷോറൂമുകളിലും വാഹനത്തിനുള്ള ബുക്കിങ് ആരംഭിച്ചിട്ടുണ്ട്. 2018 മിലാന് മോട്ടോര് സൈക്കിള് ഷോയിലാണ് ഈ മോഡല് ബിഎംഡബ്ല്യു അവതരിപ്പിച്ചത്. ആരെയും ആകര്ഷിക്കുന്ന ക്ലാസിക് അഡ്വഞ്ചര് ടൂറര് രൂപഘടനയാണ് F 850GSന്.
അഡ്ജസ്റ്റബിള് വിന്ഡ് സ്ക്രീന്, എല്ഇഡി ടേണ് ഇന്ഡികേറ്റര്, അസിമെട്രിക്ക് എല്ഇഡി ഹെഡ്ലാമ്പ്, എല്ഇഡി ഡേ ടൈം റണ്ണിങ് ലൈറ്റ്, ബഷ് പ്ലേറ്റ്, നോക്കിള് ഗാര്ഡ്, ലഗേജ് ക്യാരിയര്, വലിയ സീറ്റ് എന്നിവ F 850GS അഡ്വഞ്ചറിനെ വ്യത്യസ്തമാക്കും. സ്മാര്ട്ട് ഫോണുമായി കണക്റ്റ് ചെയ്യാവുന്ന 6.5 ഇഞ്ച് ടിഎഫ്ടി ഡിസ്പ്ലേയും F 850GSന് ഉണ്ട്.
853 സിസി എന്ജിനാണ് വാഹനത്തിന് കരുത്തേകുന്നത്. ഈ എന്ജിനില് 8250 ആര്പിഎമ്മില് 94 ബിഎച്ച്പി കരുത്തും 6250 ആര്പിഎമ്മില് 86 എന്എം ടോര്ക്കുമേകും. 6 സ്പീഡ് ഗിയര്ബോക്സുമുണ്ട്. മണിക്കൂറില് പരമാവധി 197 കിലോമീറ്റര് വേഗത വരെ F 850GSന് ഉണ്ട്.
ഓഫ്റോഡ് ശേഷിക്ക് ആവശ്യമായ മാറ്റങ്ങള് ബൈക്കില് കമ്പനി വരുത്തിയിട്ടുണ്ട്. മുന്നില് 21 ഇഞ്ച് ക്രോസ് സ്പോക്ക് വീലും പിന്നില് 17 ഇഞ്ച് വീലുമുണ്ട്. 23 ലിറ്ററാണ് ഫ്യുവല് ടാങ്ക് കപ്പാസിറ്റി. 875 എംഎം സീറ്റ് ഹൈറ്റ്, 244 കിലോഗ്രാം ഭാരവുമുണ്ട്.
ഈ F 850GS അഡ്വഞ്ചര് മോഡലിന് 15.40 ലക്ഷം രൂപയാണ് എക്സ്ഷോറൂം വില. ഹോണ്ട ആഫ്രിക്ക ട്വിന്, ട്രെയംഫ് ടൈഗര് 800 XCA എന്നിവയാണ് ഇന്ത്യയില് F 850GSന്റെ പ്രധാന എതിരാളികള്.
