വാഹനനിരത്തുകള് കീഴടക്കാനായി മഹേന്ദ്രയുടെ ഥാര് 700 പുറത്തിറങ്ങി. 9.99 ലക്ഷം രൂപയാണ് മഹീന്ദ്ര ഥാര് സ്പെഷ്യല് എഡിഷന്റെ ഡല്ഹി എക്സ് ഷോറൂം വില. നിലവിലെ മോഡലിന്റെ അവസാന മോഡലായ ഥാര് 700 ന്റെ 700 യൂണിറ്റുകള് മാത്രമാണ് പുറത്തിറക്കുന്നത്. പുതു തലമുറ ഥാര് വൈകാതെ പുറത്തിറങ്ങും.
അക്വാമറൈന്, നാപോളി ബ്ലാക്ക് എന്നീ കളര് ഓപ്ഷനിലാണ് ഥാര് 700 ലഭ്യമാകുക. കമ്പനി വെബ്സൈറ്റ് വഴിയും മഹീന്ദ്രാ ഡീലര്ഷിപ്പുകള് വഴിയും വാഹനം ബുക്ക് ചെയ്യാം.
ചെയര്മാന് ആനന്ദ് മഹീന്ദ്രയുടെ കൈയ്യൊപ്പോട് കൂടിയ സ്പെഷ്യല് ബാഡ്ജാണ് ഥാര് 700 ന്റെ പ്രധാന ആകര്ഷണം. ബ്ലാക്ക് ഫിനിഷ് ഗ്രില്, സില്വര് ഫിനിഷ് ബോണറ്റ്, വശങ്ങളിലും ബോണറ്റിലുമുള്ള ഡീക്കല്സ്, 5 സ്പോര്ക്ക് അലോയ് വീല്, ഥാര് ലോഗോ പതിപ്പിച്ച ലെതര് സീറ്റ്, ആന്റി ലോക്ക് ബ്രേക്കിംഗ് സംവിധാനം എന്നിവയാണ് മറ്റ് പ്രധാന ആകര്ഷണങ്ങള്.
2.5 ലിറ്റര് ഡീസല് എഞ്ചിനാണ് ഥാര് 700 ന് കരുത്തേകുന്നത്. 3800 ആര്പി എമ്മില് 105 ബിഎച്ച്പി പവറും 1800- 2000 ആര്പിഎമ്മില് 247 എന്എം ടോര്ക്കും ഈ എഞ്ചിന് ഉത്പാദിപ്പിക്കും.
