പ്രമുഖ കാര് നിര്മ്മാതാക്കളായ റെനോയുടെ ഏറ്റവും പുതിയ മോഡല് ട്രൈബറിന്റെ ടീസര് പുറത്തിറക്കി. വാഹനത്തിന്റെ രൂപം വ്യക്തമാക്കുന്ന ടീസര് ചിത്രമാണ് പുറത്തിറക്കിയിരിക്കുന്നത്. പ്രീമിയം ഹാച്ച് ബാക്കായ ട്രൈബറിന്റെ ഗ്ലോബല് ലോഞ്ച് നാളെ ഡല്ഹിയില് നടക്കും.
ത്രീ സ്ലേറ്റ് ഗ്രില്, സ്പോര്ട്ടി ബംബര്, റൂഫ് റെയില്സ്, ഹെഡ്ലൈറ്റ്, ഡേ ടൈം റണ്ണിങ് ലൈറ്റ് എന്നിവയെല്ലാം ടീസറില് ദൃശ്യമാകുന്നുണ്ട്. റെനോ നിരയില് ക്വിഡിന് മുകളിലാണ് ട്രൈബറിന്റെ സ്ഥാനം. 5.5 ലക്ഷം മുതല് 7 ലക്ഷം വരെയാണ് പ്രതീക്ഷിക്കാവുന്ന വില.
സെവന് സീറ്റര് മോഡലില് ആയിരിക്കും വാഹനം പുറത്തിറങ്ങുന്നത്. എടുത്ത് മാറ്റാന് കഴിയുന്ന തേഡ് റോ സീറ്റാണ് വാഹനത്തിനുള്ളത്. ഡ്യുവല് എയര്ബാഗ്, എബിഎസ്, റിയര് പാര്ക്കിങ് സെന്സര്, സ്പീഡ് അലേര്ട്ട് എന്നിങ്ങനെയുള്ള സുരക്ഷ സംവിധാനങ്ങളും ട്രൈബറിലുണ്ട്.
1 ലിറ്റര് 3 സിലണ്ടര് പെട്രോള് എഞ്ചിനിലാണ് വാഹനം എത്തുക. വാഹനത്തിന്റെ മറ്റ് വിവരങ്ങള് ലോഞ്ചിംങ് വേളയില് മാത്രമായിരിക്കും കമ്പനി വ്യക്തമാക്കുന്നത്.
