ശ്രീഹരിക്കോട്ട: ചന്ദ്രയാന്-2 പേടകത്തിന്റെ നാലാം ഭ്രമണപഥം ഉയര്ത്തല് വിജയകരം. 277 x 89473 കിലോ മീറ്റര് വരുന്ന ഭ്രമണപഥത്തിലേക്കാണ് പേടകം ഉയര്ത്തിയത്. 646 സെക്കന്ഡ് ദൈര്ഘ്യത്തില് എഞ്ചിന് പ്രവര്ത്തിപ്പിച്ചാണ് നാലാം ഭ്രമണപഥത്തിലേക്ക് പേടകത്തെ ഉയര്ത്തിയത്.
അഞ്ചാമത്തേയും അവസാനത്തേയും ഭ്രമണപഥമുയര്ത്തല് ഓഗസ്റ്റ് ആറിനാണ് ഷെഡ്യൂള് ചെയ്തിരിക്കുന്നത്. അതിനുശേഷം ഈ മാസം പതിനാലിന് ചന്ദ്രയാന് 2 ഭൂമിയുടെ ഭ്രമണപഥം വിട്ട് ചന്ദ്രനിലേക്ക് കുതിക്കും.
#Chandrayaan2
Today marks the successful completion of the fourth orbit raising maneuver. The last Earth bound maneuver is planned on August 6, 2019#ISRO pic.twitter.com/45jy83UCrP— ISRO (@isro) August 2, 2019
ISRO: Today marks the successful completion of the fourth orbit-raising maneuver. The last Earthbound maneuver is planned on August 6, 2019. #Chandrayaan2 (File pic) pic.twitter.com/erLUAYFYHq
— ANI (@ANI) August 2, 2019
മൂന്ന് മൊഡ്യൂളുകളാണ് ചന്ദ്രയാന് 2 ല് ഉള്ളത്. ഓര്ബിറ്റര്, വിക്രം എന്ന് പേരിട്ട ലാന്ഡര്, പ്രഗ്യാന് എന്ന് പേരിട്ടിരിക്കുന്ന റോവര് എന്നിവയാണ് ഇത്. ഓര്ബിറ്ററിന്റെ സഹായത്തോടെയാണ് ബഹിരാകാശ വാഹനം ചന്ദ്രനിലെത്തുന്നത്. സോഫ്റ്റ് ലാന്ഡിംഗിന് ലാന്ഡര് സഹായിക്കും. ചന്ദ്രോപരിതലത്തിലൂടെ സഞ്ചരിക്കാനാണ് റോവര്. 27 കിലോഗ്രാമാണ് ആറ് ചക്രങ്ങളുള്ള റോവറിന്റെ ഭാരം.
ശ്രീഹരിക്കോട്ടയിലെ സതീഷ് ധവാന് സപെയ്സ് സെന്ററില് നിന്നും ജൂലൈ 22ന് ഉച്ചയ്ക്ക് 2:43നാണ് ചന്ദ്രയാന് 2 പേടകവുമായി ജിഎസ്എല്വിയുടെ മാര്ക്ക് 3എം1 റോക്കറ്റ് കുതിച്ചുയര്ന്നത്.