Business

വ്യാപാര ബന്ധ നിരോധനം ; കൂടുതല്‍ ബാധിക്കുന്നത് പാകിസ്ഥാനെ

ന്യൂഡല്‍ഹി:ഇന്ത്യയുമായുള്ള വ്യാപാര ബന്ധം വിച്ഛേദിച്ചത് ഏറ്റവും കൂടുതല്‍ ബാധിക്കുക പാകിസ്ഥാനെയാണെന്ന് റിപ്പോര്‍ട്ട്. വളരെ ചെറിയൊരു ശതമാനം കയറ്റുമതിയെ മാത്രമാണ് ഇത് ബാധിക്കുകയെന്നും ഇത് ഇന്ത്യക്കൊരു തിരിച്ചടിയല്ലെന്നും റിപ്പോര്‍ട്ട് പറയുന്നു.

പാകിസ്ഥാനിലേക്കുള്ള ഇന്ത്യയുടെ കയറ്റുമതി 2 ബില്യണ്‍ ഡോളറിന്റേതാണ്. ഇത് ഇന്ത്യയുടെ മൊത്തം കയറ്റുമതിയുടെ 0.6 ശതമാനം മാത്രമാണ്. അതേസമയം പാകിസ്ഥാനില്‍ നിന്ന് ഇന്ത്യയിലേക്കുള്ള ഇറക്കുമതി വര്‍ഷം 450 മില്യണ്‍ ഡോളറിന്റേതാണ്. പാകിസ്ഥാനെ സംബന്ധിച്ച് ഇത് വലിയൊരു തുകയാണ്.

പാകിസ്ഥാനിലേക്കെത്തുന്ന പല ഇന്ത്യന്‍ ചരക്കുകളും നേരിട്ട് പാകിസ്ഥാനിലേക്കെത്തുകയല്ല ചെയ്യുന്നത്. അഫ്ഗാന്‍ , യുഎഇ വഴിയാണ് കൂടുതലും പാകിസ്ഥാനിലേക്ക് ഇന്ത്യന്‍ സാധനങ്ങളെത്തുന്നത്. നേരിട്ടുള്ള വ്യാപാര ബന്ധം വിച്ഛേദിക്കുന്നതോടെ ഇതുവഴിയുള്ള വ്യാപാരം കൂടുതലാകും. ചുരുക്കത്തില്‍ പാകിസ്ഥാന്റെ തീരുമാനം മൂലം വ്യാപാര നഷ്ടം പാകിസ്ഥാനു തന്നെയാകും.

ഇന്ത്യയുടെ വാണിജ്യ മന്ത്രാലയം പറയുന്നതനുസരിച്ച് ഇന്ത്യയില്‍ നിന്നും 2.06 ബില്യണ്‍ യുഎസ് ഡോളര്‍ വിലവരുന്ന സാധനങ്ങള്‍ ഇസ്ലാമാബാദിലേക്ക് കയറ്റുമതി ചെയ്യുകയും 495 ദശലക്ഷം യുഎസ് ഡോളര്‍ വില വരുന്ന സാധനങ്ങള്‍ 2019 സാമ്പത്തിക വര്‍ഷം ഇറക്കുമതി ചെയ്യുകയും ചെയ്തു. ഇന്ത്യയില്‍ നിന്നും ഇസ്ലാമാബാദിലേക്കുള്ള കയറ്റുമതി 452.5 ദശലക്ഷം യുഎസ് ഡോളറും ഇറക്കുമതി 7.13 ദശലക്ഷം യുഎസ് ഡോളറുമാണ്.

പഴങ്ങള്‍, ഭക്ഷ്യയോഗ്യമായ പരിപ്പ്,സിമന്റ്, പെട്രോളിയം ഉല്‍പ്പന്നങ്ങള്‍,അയിരുകള്‍ എന്നിവയാണ് ഇന്ത്യ ഇറക്കുമതി ചെയ്യുന്ന പ്രാഥമിക വസ്തുക്കള്‍. അസംസ്‌കൃത കോട്ടണ്‍, കോട്ടണ്‍ നൂല്‍, രാസവസ്തുക്കള്‍,പ്ലാസ്റ്റിക്, ചായങ്ങല്‍ എന്നിവയാണ് പാകിസ്ഥാനിലേക്കുള്ള പ്രധാന കയറ്റുമതി.

പുല്‍വാമ ആക്രമണത്തെ തുടര്‍ന്ന് നാല്‍പതോളം സിആര്‍പിഎഫ് ജവാന്മാര്‍ വധിക്കപ്പെട്ടതോടെ പാകിസ്ഥാന്‍ സാധനങ്ങള്‍ ഇറക്കുമതി ചെയ്യുന്നതിന് ഇന്ത്യ 200 ശതമാനം നികുതി ചുമത്തുകയും പാകിസ്ഥാന്റെ എംഎഫ്എന്‍ പദവി ഇന്ത്യ പിന്‍വലിക്കുകയും ചെയ്തിരുന്നു.

വാണിജ്യ മന്ത്രാലയത്തിന്റെ കണക്കുകള്‍ പ്രകാരം ഇസ്ലാമാബാദില്‍ നിന്നുള്ള ഇറക്കുമതി ഈ വര്‍ഷം മാര്‍ച്ചില്‍ 92 ശതമാനം ഇടിഞ്ഞ് 2.84 മില്യണ്‍ ഡോളറിലെത്തി. സമീപ കാലത്തെ കണക്കുകള്‍ പ്രകാരം 2018-19 സാമ്പത്തിക വര്‍ഷത്തില്‍ പാകിസ്ഥാന്റെ ജിഡിപി 3.3 ശതമാനം മാത്രമാണ് വളര്‍ന്നത്. അതേസമയം ഇന്ത്യയുടെ ജിഡിപി 2018-19 സാമ്പത്തിക വര്‍ഷത്തില്‍ 6.8 ശതമാനമായി ഉയര്‍ന്നു.

പാകിസ്ഥാനില്‍ നിന്നുള്ള തുണിത്തരങ്ങള്‍, ഔഷധ വ്യവസായത്തിനുള്ള അസംസ്‌കൃത വസ്തുക്കള്‍ മുതലായവയുടെ വിതരണം ഇന്ത്യ വെട്ടിക്കുറക്കുന്നത് പാകിസ്ഥാന്‍ ആഭ്യന്തര വ്യവസായത്തെ പ്രതികൂലമായി ബാധിക്കുമെന്ന് സാമ്പത്തിക വിദഗ്ധര്‍ പറയുന്നു.

ജമ്മു കശ്മീര്‍ വിഭജിക്കാനും ആര്‍ട്ടിക്കിള്‍ 370 റദ്ദാക്കാനുമുള്ള കേന്ദ്രത്തിന്റെ തീരുമാനത്തെ തുടര്‍ന്ന് പാകിസ്ഥാന്‍ ഇന്ത്യന്‍ ഹൈക്കമ്മീഷണറെ പുറത്താക്കുകയും കേന്ദ്രവുമായുള്ള ഉഭയകക്ഷി വ്യാപാരം താല്‍കാലികമായി നിര്‍ത്തിവെക്കുകയും ചെയ്തിരുന്നു.

226 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close