ലണ്ടന്: യൂറോപ്പില് മൂല്യമേറിയ ആസ്തികള് സ്വന്തമായുള്ള മിഡില് ഈസ്റ്റ് വ്യവസായികളുടെ ഫോര്ബ്സ് പട്ടികയില് മലയാളിയും. ട്വന്റി14 ഹോള്ഡിങ്സ് മാനേജ്ങ് ഡയറക്ടറും ലുലു ഗ്രൂപ്പ് ചെയര്മാന് യൂസഫ് അലിയുടെ മരുമകനുമായ അദീബ് അഹമ്മദാണ് പട്ടികയില് ഇടം നേടിയത്. അദ്ദേഹത്തിന്റെ ഗ്രേറ്റ് സ്കോട്ട്ലെന്റ് യാര്ഡ് ഹോട്ടലാണ് ഫോര്ബ്സ് പട്ടികയില് ഉള്പ്പെട്ടിട്ടുള്ളത്. ഫോര്ബ്സിന്റെ ഈ പട്ടികയില് ഉള്പ്പെട്ടിട്ടുള്ള ഏക ഇന്ത്യക്കാരനാണ് അദീബ് അഹ്മദ്.
2014ലാണ് ട്വന്റി14 ഹോള്ഡിങ്സ് 1100 കോടി രൂപ മുടക്കി ഗ്രേറ്റ് സ്കോട്ട്ലാന്ഡ് ഹോട്ടല് അദീബ് സ്വന്തമാക്കിയത്. യു.കെ, യൂറോപ്പ്, ജിസിസി രാജ്യങ്ങള്, ഇന്ത്യ എന്നിവിടങ്ങളിലായി 750 മില്യണ് ഡോളര് മൂല്യമുള്ള ആസ്തികളാണുള്ളത്. കൊച്ചിയിലെ പോര്ട്ട് മുസിരിസ്, യു.എ.ഇയിലെ ദുബായ് സ്റ്റെഗന്ബര്ഗര് ഹോട്ടല് ബിസിനസ് ബേ, മസ്ക്കറ്റിലെ ഷരാട്ടണ് ഒമാന് , സ്കോട്ലാഡില് വാല്ഡോര്ഫ് അസ്റ്റോറിയ എഡിന്ബര്ഗ്, ദി കാലിഡോണിയന് എന്നിവയാണ് നിലവില് അദീപിന്റെ ഉടമസ്ഥതയിലുള്ള ഹോട്ടലുകള്.
1829-1890 കാലഘട്ടത്തില് ലണ്ടന് മെട്രോപോളിറ്റന് പോലീസ് സേനയുടെ ആസ്ഥാനമായിരുന്നു ഗ്രേറ്റ് സ്കോട്ലാന്ഡ് യാര്ഡ് കെട്ടിടം. ലണ്ടനിലെ ഈ പൗരാണിക കെട്ടിടം പിന്നീട് പഞ്ചനക്ഷത്ര സൗകര്യമുള്ള ആഢംബര ഹോട്ടലാക്കി മാറ്റി. 92000ചതുരശ്ര അടി വിസ്തൃതിയുള്ള ഗ്രേറ്റ് സ്കോട്ലാന്ഡ് യാര്ഡില് 153 ആഡംബര മുറികള് , ജിം, കോണ്ഫറന്സ് മുറികള് , മറ്റു വിനോദ സൗകര്യങ്ങള് എന്നിവയാണുള്ളത്.