അമേരിക്കന് വാഹന നിര്മ്മാതാക്കളായ ഫോര്ഡും മഹിന്ദ്രയും ഒന്നിക്കുന്നു. ഇനി ഫോര്ഡിന്റെ ഇന്ത്യയിലെ പ്രവര്ത്തനങ്ങള് മഹീന്ദ്രാ ഗ്രൂപ്പിനാണ്. ഇന്ത്യയുടെ 49 ശതമാനം ഓഹരികളാണ് ഫോര്ഡ് സ്വന്തമാക്കിയത്. 275 മില്യണ് ഡോളര് പദ്ധതിയുടെ കരാറിലാണ് ഇരുകമ്പനികളും ഒപ്പുവെച്ചത്. രാജ്യത്ത് വാഹനങ്ങളുടെ ഉത്പാദനം, വില്പ്പന, കയറ്റുമതി എന്നിവ ലക്ഷ്യമിട്ടാണ് ഇരു കമ്പനികളും കരാറില് ഒപ്പുവെച്ചത്.
മാസങ്ങളായി നടന്നു വന്ന ചര്ച്ചകള്ക്ക് ഒടുവിലാണ് കമ്പനികള് ഇത്തരം ഒരു തീരുമാനത്തിലെത്തിയത്. ഇതോടെ രാജ്യത്ത് സ്വതന്ത്രമായി നടത്തുന്ന പ്രവര്ത്തനങ്ങള് അവസാനിപ്പിക്കുകയും ചെയ്തതായി ഫോര്ഡ് അറിയിച്ചു.
2020-ന്റെ പകുതിയോടെ കരാറിന് അന്തിമ തീരുമാനം ഉണ്ടാകുമെന്ന് ഇരു കമ്പനികളുടെ വക്താക്കള് അറയിച്ചു. കരാറിലെ വ്യവസ്ഥ പ്രകാരം രാജ്യത്തെ കാര് നിര്മ്മാണ പ്ലാന്റുകളും, ജീവനക്കാരെ ഉള്പ്പെടെയുള്ള പ്രാദേശിക ഓട്ടോമോട്ടീവ് ആസ്തികള് ഫോര്ഡ് പുതിയ സ്ഥാപനത്തിലേക്ക് മാറ്റുമെന്നും ഫോര്ഡ് അധികൃതര് അറയിച്ചു.
ലാഭം ഉണ്ടാക്കണമെന്ന ഓഹരി പങ്കാളികളുടെ സമ്മര്ദ്ദത്തെ തുടര്ന്ന് അടുത്ത വര്ഷങ്ങളില് 11 ബില്യണ് ലാഭിക്കുക എന്ന ലക്ഷ്യത്തോടെയാണ് ഫോര്ഡ് ഇത്തരം ഒരു കരാറില് ഏര്പ്പെടാന് തയ്യാറായത്. 2017-ലാണ് ഇരുകമ്പനികളും തമ്മിലുള്ള സഹകരണത്തിന് തയ്യാറായത്. ഇലക്ട്രിക് വാഹനങ്ങളുടെ നിര്മ്മാണത്തിന് സഹകരിക്കാനാണ് ആദ്യം ധാരണയായത്.
ഫോര്ഡ് ഇന്ത്യയുടെ ചെന്നൈയിലെ കാര് നിര്മ്മാണ പ്ലാന്റും ജീവനക്കാരും കയറ്റുമതി ഉള്പ്പെടെയുള്ള ബിസ്നസുമാണ് മഹീന്ദ്ര ഏറ്റെടുത്തിരിക്കുന്നത്. മഹീന്ദ്രയ്ക്ക് ഇന്ത്യന് വിപണിയിലുള്ള സ്വാധീനവും ഫോര്ഡിന്റെ വാഹനങ്ങളിലെ സാങ്കേതിക വിദ്യയും സംയോജിക്കുന്നതിലൂടെ ഇന്ത്യന് വാഹന വിപണിയുടെ മേധാവിത്വം സ്വന്തമാക്കാന് സാധിക്കുമെന്നാണ് മഹീന്ദ്രയുടെ പ്രതീക്ഷ.
