Business

ഐആര്‍സിടിസി; ഓഹരി വിപണിയില്‍ നിക്ഷേപകര്‍ക്ക് ഇരട്ടി ലാഭം

ബെംഗളൂരു: ഇന്ത്യന്‍ റെയില്‍വെ കാറ്ററിങ് ആന്‍ഡ് ടൂറിസം കോര്‍പ്പറേഷന്റെ ഓഹരികള്‍ വാങ്ങിയവര്‍ക്കെല്ലാം ഇരട്ടിലാഭം. ഐ.ആര്‍.സി.ടിസിയുടെ വിപണി മൂല്യം ഓഹരി വിപണിയില്‍ ഇരട്ടിയില്‍ അധികം വര്‍ധനവുണ്ടാക്കിയതായാണ് റിപ്പോര്‍ട്ട്

ഇന്ത്യന്‍ ഓഹരി വിപണിയിലും, മുംബൈ സ്റ്റോക്ക് എക്‌സേഞ്ചിലും ഐആര്‍സിടിസി ഓഹരികള്‍ ലിസ്റ്റ് ചെയ്തതിനെ തുടര്‍ന്നാണ് ഓഹരി വില കുത്തനെ ഉയര്‍ന്നത്. 320 രൂപ ഇഷ്യൂ പ്രൈസ് ഉണ്ടായിരുന്ന ഓഹരി ഇപ്പോള്‍ 698 എന്ന നിലവാരത്തിലാണ് എത്തിയിരിക്കുന്നത്. പണം നിക്ഷേപിച്ചവര്‍ക്ക് നേരെ ഇരട്ടി നേട്ടമാണ് ഇതിലൂടെ ലഭിച്ചിരിക്കുന്നത്.

ഐആര്‍സിടിസിയുടെ ഓഹരികള്‍ക്ക് 112 മടങ്ങ് അധികം സബ്‌സ്‌ക്രൈബര്‍മാരെയാണ് ലഭിച്ചത്. സെപ്റ്റംബര്‍ 30 മുതല്‍ ഒക്ടോബര്‍ നാലുവരെയാണ് ഓഹരികള്‍ സ്വന്തമാക്കാന്‍ ഐ.ആര്‍.സി.ടി.സി സമയം അനുവദിച്ചത്. ഐ.ആര്‍.സി.ടി.സിയുടെ ഐപിഒയിലൂടെ 645 കോടി രൂപയാണ് സര്‍ക്കാര്‍ സമാഹരിച്ചത്. നിലവില്‍ സര്‍ക്കാരിന്റെ കൈവശം കമ്പനിയുടെ 87.4 ശതമാനം ഓഹരികളാണ് ഉള്ളത്.

10 രൂപയാണ് ഐ.ആര്‍.സി.ടി.സിയുടെ ഓഹരികളുടെ മുഖവില. 2.01 കോടി ഓഹരികളാണ് വില്‍പനയ്ക്ക് വെച്ചത്. പൊതു മേഖല കമ്പനികളുടെ ഓഹരികള്‍ വില്‍ക്കുകയെന്ന കേന്ദ്ര സര്‍ക്കാരിന്റെ നയത്തിന്റെ ഭാഗമായാണ് റെയില്‍വേയുടെ ഓഹരി വില്‍പന. പൊതു വിപണിയില്‍ നിന്ന് 650 കോടി രൂപ സമാഹരിക്കാന്‍ ലക്ഷ്യമിട്ടാണ് കേന്ദ്ര സര്‍ക്കാര്‍ ഐ.പി.ഒ പ്രഖ്യാപിച്ചത്. 2.01 കോടി ഓഹരികളാണ് ഐ.ആര്‍.സി.ടി.സി വിറ്റഴിക്കാന്‍ പദ്ധതി ഇട്ടിരുന്നതെങ്കിലും 225.6 കോടി ഷെയറുകള്‍ക്കായുള്ള അപേക്ഷയാണ് ലഭിച്ചത്.

നടപ്പു സാമ്പത്തിക വര്‍ഷം ഐ.പി.ഒ നടത്തുന്ന രണ്ടാമത്തെ കേന്ദ്ര പൊതുമേഖലാ സ്ഥാപനമാണ് ഐ.ആര്‍.സി.ടി.സി. കാറ്ററിങ്, ട്രാവല്‍ ആന്‍ഡ് ടൂറിസം, പാക്കേജ്ഡ് ഡ്രിങ്കിങ് വാട്ടര്‍, ഇ-ടിക്കറ്റിങ് എന്നീ നാലു വിഭാഗങ്ങളില്‍ നിന്നാണ് ഐ.ആര്‍.സി.ടി.സി പ്രധാനമായും വരുമാനം ഉണ്ടാക്കുന്നത്.

102 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close