Business

ഓഹരി വിപണി കുതിക്കുന്നു; റെക്കോര്‍ഡ് നേട്ടവുമായി സെന്‍സെക്‌സും നിഫ്റ്റിയും

മുംബൈ: റെക്കോര്‍ഡ് നേട്ടത്തോടെ കുതിച്ചുയര്‍ന്നു ഓഹരിവിപണി. മുടങ്ങിക്കിടക്കുന്ന ഭവന പദ്ധതികള്‍ക്ക് സര്‍ക്കാര്‍ 25,000 കോടി രൂപയുടെ പക്കേജ് അനുവദിച്ചതാണ് വിപണിയെ സ്വാധീനിച്ചത്.

215.02 പോയന്റ് നേട്ടത്തില്‍ 40,684.80ലാണ് സെന്‍സെക്‌സ് വ്യാപാരം അവസാനിപ്പിച്ചത്. നിഫ്റ്റി 12016.10 നിലവാരത്തിലുമെത്തി. നിഫ്റ്റി റിയാല്‍റ്റി സൂചിക 2.7 ശതമാനം ഉയര്‍ന്നു. ഇന്ത്യ ബുള്‍സ് റിയല്‍ എസ്റ്റേറ്റ് ലിമിറ്റഡ്, ഗോദ്‌റേജ് പ്രോപ്പര്‍ട്ടീസ്, ശോഭ ലിമിറ്റഡ് തുടങ്ങിയ കമ്പനികളുടെ ഓഹരികള്‍ക്ക് രണ്ടുശതമാനത്തിലേറെ നേട്ടമുണ്ടായി.

ഹൗസിങ് ഫിനാന്‍സ് കമ്പനികളുടെ ഓഹരികളും നേട്ടത്തിലാണ്. പിഎന്‍ബി ഹൗസിങ് ഫിനാന്‍സ്, എല്‍ഐസി ഹൗസിങ് ഫിനാന്‍സ് എന്നീ ഓഹരികള്‍ യഥാക്രമം നാലും അഞ്ചും ശതമാനം നേട്ടത്തിലാണ്. എച്ച്ഡിഎഫ്‌സി ബാങ്ക്, ആക്‌സിസ് ബാങ്ക്, ആര്‍ബിഎല്‍ ബാങ്ക്, ഇന്‍ഡസിന്റ് ബാങ്ക് എന്നിവ നേട്ടത്തിലാണ്.

പത്ത് വ്യാപാര ദിനങ്ങളില്‍ ഒമ്പത് ദിവസവും സെന്‍സെക്‌സ് നേട്ടത്തിലാണ് അവസാനിച്ചത്.

258 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close