റിയാദ് : കേരള സർക്കാരിന്റെ സാംസ്കാരിക വകുപ്പിൻ കീഴിൽ പ്രവർത്തിക്കുന്ന മലയാള മിഷനുമായി സഹകരിച്ചുകൊണ്ട് വേൾഡ് മലയാളി ഫെഡറേഷൻ പഠന ക്ളാസ് പ്രവേശനോത്സവം സംഘടിപ്പിക്കുന്നു.
ഡിസംബർ 14 ന് ഉച്ചക്ക് 12 മണിക്ക് റിയാദിലെ അൽ യാസ്മിൻ സ്കൂളിൽ നടക്കുന്ന ചടങ്ങ് അൽയാസ്മിൻ ഇന്റർനാഷണൽ സ്കൂൾ പ്രിൻസിപ്പൽ ഡോ കെ റഹ്മത്തുള്ള ഉത്ഖാടനം ചെയ്യും. നന്മ മലയാളം പഠന ക്ലാസിൽ 4 വയസ്സ് മുതലുള്ള മലയാളം അറിയില്ലാത്ത, മലയാളം പഠിക്കാൻ ആഗ്രഹിക്കുന്നവർക്ക് അവസരം ഒരുക്കിയിട്ടുണ്ടെന്നും സംഘാടകർ അറിയിച്ചു.
