മുംബൈ: കൊറോണ മഹാമാരിയില്‍ വീര്‍പ്പുമുട്ടുന്ന മുംബൈ നഗരത്തിലെ നിസര്‍ഗ ചുഴലിക്കാറ്റ് വൈറസ് പരിശോധനകളെ ബാധിച്ചതായി റിപ്പോര്‍ട്ട്. ഹോട്ടസ്‌പോട്ട് മേഖലകളില്‍ പരിശോധനയക്ക് വിധേയരാകേണ്ട 48,887 പേരെ പ്രത്യേക കേന്ദ്രങ്ങളിലേക്കാണ് മാറ്റിയത്. വിദേശത്തുനിന്നും മറ്റ് സംസ്ഥാനങ്ങളില്‍ നിന്നും വന്നവരെ പ്രത്യേകം താമസിപ്പിക്കാനുള്ള പ്രവര്‍ത്തനം കനത്ത മഴയും കാറ്റും മൂലം രണ്ടു ദിവസമായി നിലച്ചിരിക്കുകയാണെന്ന് മുംബൈ മുന്‍സിപ്പല്‍ കോര്‍പ്പറേഷന്‍ അറിയിച്ചു. ഇന്നു മുതല്‍ വീടുകളില്‍ കഴിയുന്നവരെയടക്കം കൊറോണ ഐസൊലേഷന്‍ കേന്ദ്രങ്ങളിലെത്തിച്ച് പരിശോധന നടത്താനാണ് തീരുമാനം. നിലവില്‍ 30,000 ആളുകള്‍ സ്വന്തം വീടുകളിലാണുള്ളത്. ആരോഗ്യവകുപ്പിന്റെ വീടുകള്‍ കേന്ദ്രീകരിച്ചുള്ള സര്‍വ്വേ ഇന്ന് പുനരാരംഭിക്കുമെന്നും മുംബൈ മുന്‍സിപ്പല്‍ അധികൃതര്‍ വ്യക്തമാക്കി.
നിസര്‍ഗ ചുഴലിക്കാറ്റ് കാരണം കൊറോണ നിരീക്ഷണത്തിലുള്ള 18,887 പേരെയാണ് മാറ്റിപ്പാര്‍പ്പിച്ചത്. പൊതു സൗകര്യങ്ങള്‍ കോളേജുകളിലും സ്‌ക്കൂള്‍ കെട്ടിടങ്ങളിലുമാണ് ഒരുക്കിയിട്ടുള്ളതെന്ന് മുന്‍സിപ്പല്‍ കമ്മീഷണര്‍ അറിയിച്ചു. രണ്ടാഴ്ചക്കിടെ 2500 പോസിറ്റീവ് കേസ്സുകള്‍ റിപ്പോര്‍ട്ട് ചെയ്തതായും അധികൃതര്‍ ചൂണ്ടിക്കാട്ടി.
