ജനങ്ങളെ വിഘടിപ്പിക്കാന്‍ മാത്രം അറിയുന്ന ഭരണാധികാരി: ട്രംപിനെതിരെ മുന്‍ പ്രതിരോധ സെക്രട്ടറി

വാഷിംഗ്ടണ്‍: ആഫ്രിക്കന്‍ വംശജരുടെ പ്രതിഷേധത്തിനിടെ ട്രംപിനെ വിമര്‍ശിച്ച് മുന്‍ പ്രതിരോധ സെക്രട്ടറി രംഗത്ത്. ഭരണത്തിലും പൊതു സമൂഹത്തിലും വിഘടനം സൃഷ്ടിക്കലാണ് ട്രംപ് ചെയ്യുന്നതെന്നാണ് മാറ്റിസ് വിമര്‍ശിച്ചിരിക്കുന്നത്. മുന്‍ പ്രതിരോധ സെക്രട്ടറി ജെയിംസ് മാറ്റിസാണ് പ്രസിഡന്റിനെ വിമര്‍ശിച്ചത്. ഒരു പൊതു സമ്മേളന ത്തിലാണ് മാറ്റിസ് ട്രംപിനെതിരെ രംഗത്തുവന്നത്. ‘ അമേരിക്കയിലെ ജനങ്ങളെ വിഘടിപ്പിക്കുകയാണ് പ്രസിഡന്റ് ചെയ്യുന്നത്. ഒരു പക്വമാര്‍ന്ന നേതൃത്വം നല്‍കുന്നതിലും അദ്ദേഹം തീര്‍ത്തും പരാജയപ്പെട്ടെന്നും മാറ്റിസ് കുറ്റപ്പെടുത്തി.

‘ ഞങ്ങളെല്ലാം ഏറെ ദേഷ്യത്തിലും നിരാശയിലുമാണ്. അമേരിക്കയിലെ ജനങ്ങള്‍ ഒരുമിക്കരുതെന്ന് ചിന്തിക്കുന്ന ആദ്യ പ്രസിഡന്റിനെയാണ് നാം ഇപ്പോള്‍ കാണുന്നത്. പരിശ്രമിക്കുന്നതുപോലെ അഭിനയിക്കാന്‍ പോലും അദ്ദേഹത്തിനറിയില്ല. പക്വമല്ലാത്ത ഒരു നേതൃത്വത്തെയാണ് മൂന്നുവര്‍ഷമായി നാം അനുഭവിക്കുന്നത്’ മാറ്റിസ് തന്റെ പ്രസംഗത്തില്‍ വ്യക്തമാക്കി.

Probably the only thing Barack Obama & I have in common is that we both had the honor of firing Jim Mattis, the world’s most overrated General. I asked for his letter of resignation, & felt great about it. His nickname was “Chaos”, which I didn’t like, & changed to “Mad Dog”…

— Donald J. Trump (@realDonaldTrump) June 4, 2020

ഇതിനിടെ മാറ്റിസിന്റെ പ്രസ്താവനക്കെതിരെ രൂക്ഷമായ പ്രതികരണമാണ് ട്രംപ് നടത്തിയത്. ‘ അദ്ദേഹത്തിന് എന്നെ ഇഷ്ടമല്ലായിരിക്കാം. എന്നാല്‍ ഇഷ്ടപ്പെടുന്ന ധാരാളം ആളുകളുണ്ട്. ഏതായും മാറ്റിസ് ഇപ്പോള്‍ ഔദ്യോഗിക ചുമതലയില്ലാത്തത് നന്നായി’ ട്വിറ്ററിലൂടെ ട്രംപ് പ്രതികരിച്ചു.