ന്യൂഡല്ഹി: ജലവിതരണത്തില് രാജ്യത്ത് ഒരു ജലവിപ്ലവംതന്നെ സൃഷ്ടിച്ചതായി പ്രധാനമന്ത്രി. മണിപ്പൂരിലെ ജലവിതരണ പദ്ധതി ഉദ്്ഘാടനം ചെയ്യുകയായിരുന്നു പ്രധാനമന്ത്രി നരേന്ദ്രമോദി. കേന്ദ്ര സര്ക്കാറിന്റെ നയത്തിന് പൂര്ണ്ണ പിന്തുണ നല്കുന്ന എല്ലാ ജനപ്രതിനിധികളേയും പ്രധാനമന്ത്രി നരേന്ദ്രമോദി അഭിനന്ദിച്ചു.
മണിപ്പൂരിലെ 1,185 ജനവാസ മേഖലകലിലെ 1,42,749 കുടുംബങ്ങള്ക്കാണ് ഇന്നു മുതല് കുടിവെള്ളം ലഭ്യമായിരിക്കുന്നത്. ജല് ജീവന് മിഷന് എന്ന പദ്ധതിയാണ് നടപ്പായിരിക്കുന്നത്. വീഡിയോ കോണ്ഫറന്സിലൂടെ നടന്ന ഉദ്ഘാടന പരിപാടിയില് ഗവര്ണര് നജീമാ ഹെപ്തുള്ള, മുഖ്യമന്ത്രി എന്. ബീരേന്ഡ സിംഗ്, മറ്റ് സംസ്ഥാന മന്ത്രിമാര്, ലോകസഭാംഗങ്ങള്, നിയമസഭാംഗങ്ങള് എന്നിവരും പങ്കെടുത്തു.
ബി.ജെ.പി. സര്ക്കാര് അധികാരത്തിലെത്തിയ 2014ല്ത്തന്നെ ഈ രാജ്യത്തെ വീട്ടമ്മമാരുടേയും സഹോദരിമാരുടേയും വെള്ളം തേടിയുള്ള അലച്ചില് ഒഴിവാക്കുമെന്ന് പ്രഖ്യാപിച്ചിരുന്നു. അതിന്റെ പ്രവര്ത്തനം മുന് സര്ക്കാറുകളെ അപേക്ഷിച്ച് 100 മടങ്ങെങ്കിലും വേഗതയിലായിരിക്കണമെന്നും തീരുമാനിച്ചിരുന്നു. ഇന്നത് സാധ്യമായിരിക്കുകയാണെന്നും നരേന്ദ്രമോദി പറഞ്ഞു. 2024 ഓടെ രാജ്യത്തെ എല്ലാ ഗ്രാമീണ മേഖലയിലും ശുദ്ധ ജലം എത്തിക്കുന്ന പദ്ധതി പൂര്ത്തിയാക്കാനാണ് കേന്ദ്ര സര്ക്കാര് ശ്രമിക്കുന്നതെന്നും നരേന്ദ്രമോദി പറഞ്ഞു.
ജല ജീവന് ദൗത്യം ഇന്ന് ഒരു ജല വിപ്ലവമായിക്കഴിഞ്ഞു. സര്ക്കാര് സംവിധാനത്തിലൂടെ ഇന്ത്യയിലെ ഗ്രാമങ്ങളിലടക്കം ഒരു ലക്ഷം വീട്ടമ്മമാര് വീതം പ്രതിദിനം ജല ദൗര്ലഭ്യത്തില് നിന്നും മുക്തരാകുന്നു എന്ന ശുഭവാര്ത്തയാണ് പുറത്തുവരുന്നതെന്നും പ്രധാനമന്ത്രി പറഞ്ഞു.
