വൈകുന്നേരങ്ങളില് ചായയുടെ കൂടെ കഴിക്കാനായി എന്തുണ്ടാക്കണമെന്നത് വീട്ടമ്മമാര് ദിവസവും നേരിടുന്ന ഒരു പ്രശ്നമാണ്. ആരോഗ്യമുളളതും രുചികരവുമായ വിഭവം ഉണ്ടാക്കിയെടുക്കുക എന്നത് അത്ര എളുപ്പമല്ല. എന്നാല് ആര്ക്കും പെട്ടെന്നുണ്ടാക്കാവുന്ന ഒരു പലഹാരമാണ് ആവിയില് വേവിച്ച റവ കേക്ക്. വീട്ടിലുള്ള സാധനങ്ങള് ഉപയോഗിച്ച് എളുപ്പത്തില് തയ്യാറാക്കാവുന്ന ഒരു നാലുമണി പലഹാരം.
ചുവടു കട്ടിയുളള പാന് അടുപ്പത്ത് വച്ച് നന്നായി ചൂടായശേഷം അതിലേക്ക്നെയ്യ് ഒഴിച്ചു കൊടുക്കുക അതിലേക്ക് അണ്ടിപ്പരിപ്പ്, മുന്തിരി എന്നിവ ഇട്ട് നന്നായി മൂപ്പിച്ചു കോരി മാറ്റിവയ്ക്കുക. മിക്സിയില് ഒരു കപ്പ് റവ, പഞ്ചസാര എന്നിവ ചേര്ത്ത് പൊടിച്ചെടുക്കുക. അതിലേക്ക് കോഴിമുട്ട ചേര്ക്കുക. വെജിറ്റേറിയന് ആയ ആളുകള്ക്ക് കോഴിമുട്ടയ്ക്ക് പകരം പാല് ചേര്ക്കാവുന്നതാണ്. ഇതോടൊപ്പം ഏലയ്ക്കാപ്പടിയും നെയ്യും ചേര്ത്ത് നന്നായി അരച്ചെടുക്കുക. അതിലേക്ക് കുറച്ച് ബേക്കിംഗ് പൗഡര് ഉപയോഗിച്ച് നന്നായി യോജിപ്പിക്കുക. അതിനുശേഷം ഇഡ്ഡലിത്തട്ടില് തട്ടില് നെയ്യ് തൂവി ഈ മിശ്രിതം ഒഴിച്ചു കൊടുക്കുക അതിനു മകളിലായി അണ്ടിപ്പരിപ്പും മുന്തിരിയും വിതറുക.
പാത്രത്തില് വെള്ളം വെച്ച് അത് നന്നായി തിളച്ച ശേഷം തട്ടുകള് ഓരോന്നായി വെച്ച് മൂടിവയ്ക്കുക. അഞ്ചു മിനിറ്റ് കഴിഞ്ഞ് തീ കെടുത്തി തട്ടുകള് പുറത്തെടുത്തു വയ്ക്കുക. ചൂടാറിയശേഷം പൊട്ടാതെ ഓരോന്നായി പാത്രത്തിലേക്ക് മാറ്റുക. വളരെ സ്വാദിഷ്ടവും മൃദുവുമായ റവ കേക്ക് തയ്യാര്. ഫ്രിഡ്ജില് വെച്ച് തണുപ്പിച്ച് കഴിക്കുന്നതും വളരെ രുചികരമാണ്. പത്തു മിനിറ്റിനുള്ളില് തന്നെ എളുപ്പവും സ്വാദിഷ്ടവുമായ ഒരു നാലുമണി പലഹാരം തയ്യാറാക്കാം. കുട്ടികള്ക്കും മുതിര്ന്നവര്ക്കും ഒരുപോലെ ഇഷ്ടപ്പെടുന്ന ഒന്നാണിത്.
Comments