കേരളത്തിലെ ഗജരാജാക്കന്മാർ

ഗാംഭീര്യം കൊണ്ടും തലയെടുപ്പ് കൊണ്ടും മനുഷ്യമനസ്സ് കീഴടക്കിയ കൊമ്പന്മാർ ധാരാളമാണ് കേരളത്തിൽ .അവരിൽ ചില വമ്പൻമാരെ പരിചയപ്പെടാം.

1 . തെച്ചിക്കോട്ടുകാവ് രാമചന്ദ്രൻ

തൃശൂർ പൂരം എന്ന് കേട്ടാൽ ആദ്യം മനസിലേക്കെത്തുന്നത് നടവാതിൽ തുറന്ന് പൂര വിളംബരം നടത്താൻ എത്തുന്ന ആരാധകരുടെ രാമനെയാണ് . തൃശൂർ തെച്ചിക്കോട്ടുകാവ് ദേവസ്വത്തിന്റെ ഉടമസ്ഥതയിൽ ഉള്ള ആനയാണ് തെച്ചിക്കോട്ടുകാവ് രാമചന്ദ്രൻ . ആനപ്രേമികളുടെ ഹരമായ രാമനാണ് ഏഷ്യയിൽ ഏറ്റവും പൊക്കം കൂടിയ ആനകളിൽ രണ്ടാമൻ . പൂരപ്പറമ്പുകളിലെ താരമായ രാമനെ ഒരു നോക്ക് കാണാൻ ആരാധകരുടെ തിരക്കാണ് പൂരപ്പറമ്പിൽ കാണാനാവുക .

2 . മംഗലാംകുന്ന് കർണൻ

കേരളത്തിലെ ഉത്സവങ്ങളുടെ തലയെടുപ്പാണ് മംഗലാംകുന്ന് കർണൻ . ആനകളുടെ അഴക് വർണിക്കുന്ന മാതംഗലീലയിൽ പറഞ്ഞിരിക്കുന്ന ഒട്ടു മിക്ക സവിശേഷതകളും ഉള്ള ഒത്ത സൗന്ദര്യമുള്ള ആനയാണ് കർണൻ . തെച്ചിക്കോട്ട്കാവ് രാമചന്ദ്രനോട് കിടപിടിക്കാൻ പറ്റുന്ന കേരളത്തിലെ ഏക കൊമ്പനാണ് കർണൻ .

3 . ചിറക്കൽ കാളിദാസൻ

ബാഹുബലി എന്ന ബ്രഹ്മാണ്ഡ ചിത്രത്തിൽ തിളങ്ങിയ കാളിദാസനെ ആരും മറക്കാൻ സാധ്യതയില്ല . കർണാടകയിൽ നിന്ന് കൊണ്ട് വന്ന ആനയാണ് കാളിദാസൻ . ഭാവിയിൽ തലയെടുപ്പിന്റെ കാര്യത്തിൽ മുന്പന്തിയിലെത്താൻ സാധ്യതയുള്ള കൊമ്പൻ കൂടിയാണ് കാളിദാസൻ . ജൂനിയർ തെച്ചിക്കോട്ടുകാവ് രാമചന്ദ്രൻ എന്ന വിളിപ്പേര് കൂടിയുണ്ട് കാളിദാസന് .

4 . പുതുപ്പള്ളി കേശവൻ

കേരളത്തിലെ പ്രശസ്തനായ ആനകളിൽ ഒരാളാണ് പുതുപ്പള്ളി കേശവൻ . ഉയരത്തിന്റെ കാര്യത്തിൽ അഞ്ചാം സ്ഥാനത്താണെങ്കിലും തലയെടുപ്പിന്റെ കാര്യത്തിലും ലക്ഷണപൊരുത്തത്തിന്റെ കാര്യത്തിലും ഒട്ടും പിന്നിലല്ല കേശവൻ .

5 . പാമ്പാടി രാജൻ

ഗജരാജൻ , ഗജകേസരി , ഗജരത്‌നം തുടങ്ങിയ ഗജരാജപട്ടം കിട്ടിയ ആനയാണ് പാമ്പാടി രാജൻ . പൊക്കത്തിന്റെ കാര്യത്തിലും തുമ്പികൈയുടെ നീളത്തിന്റെ കാര്യത്തിലും മുൻപന്തിയിൽ തന്നെയാണ് ഈ കൊമ്പൻ . കേരളത്തിലെ ആനകളുടെയിടയിൽ ഏറ്റവും കൂടുതൽ ആരാധകരുള്ള ആന കൂടിയാണ് പാമ്പാടി രാജൻ .