റാഞ്ചി: മുന് ഇന്ത്യന് ക്യാപ്റ്റന് മഹേന്ദ്രസിംഗ് ധോണയുടെ കൊറോണ ഫലം നെഗറ്റീവ്. ആദ്യപരിശോധനാ ഫലമാണ് പുറത്തുവന്നത്. ഐ.പി.എല്ലിനായി ചെന്നൈ സൂപ്പര് കിംഗ്സ് നായകന് കൊറോണ പരിശോധനയ്ക്ക് വിധേയമാവുകയായിരുന്നു. മൂന്ന് പരിശോധനകള് നെഗറ്റീവായാല് മാത്രമേ യു.എ.ഇയിലേയ്ക്ക് താരങ്ങളെ കൊണ്ടുപോകാനാകൂ എന്നാണ് ഐ.പി.എല് നിബന്ധന. റാഞ്ചിയിലെ ഗുരുനാനാക് ആശുപത്രിയിലാണ് ധോണി പരിശോധനയ്ക്കായി ചെന്നത്.
ഈ മാസം 21-ാം തീയതിയോടെ യു.എ.ഇയിലേയ്ക്ക് പോകാനാണ് ചെന്നൈ ക്ലബ്ബിന്റെ തീരുമാനം. ഇന്നലെ മുതല് ചെന്നൈ സൂപ്പര് കിംഗ്സ് പരിശീലനം നാട്ടില് ആരംഭിച്ചിരിക്കുകയാണ്. ടീമിനൊപ്പം 10 പാര്ടൈം ബൗളര്മാരെ ഉള്പ്പെടുത്താന് തീരുമാനിച്ചിട്ടുണ്ടെന്നും ക്ലബ്ബ് അധികൃതര് അറിയിച്ചു.
ഇതിനിടെ രവീന്ദ്രജഡേജ നാട്ടിലെ പരിശീലനങ്ങള്ക്ക് ടീമിനൊപ്പം ചേരാന് വൈകുമെന്നാണ് അറിയിച്ചത്. വ്യക്തിപരമായ കാരണമാണ് ചൂണ്ടിക്കാണിച്ചിട്ടുള്ളത്.
